⁭မင်္ဂလာအပေါင်းနဲ့ခညောင်း သော ကိုတုတ်ကြီး

အာမခံ ကုန်မနီ ပိုင်ရှင်နှင့် စကားပြောခြင်း

Thursday, October 11, 2012

သစ်ရွက်တွေအရောင်ပြောင်းကြပြီ
ဒါ...ရာသီသစ်တခုရဲ့လက်ချက်ပဲ။

အငွေ့ ထောင်းထောင်းထ အသီးအရွက်ဟင်းချိုတခွက်
ဆင်ဂယ်မော့လ်တ် စကော့ခ်ျတစ်ပုလင်း
အမေရိကန်စပီးရစ် စီးကရက်တစ်ဘူး
ဘာဘီကျူးမီးဖိုပေါ်ကတဖျစ်ဖျစ်မြည်နေတဲ့
လယ်မထွန်ဖူးတဲ့ နွားတကောင်ရဲ့အသည်း
အဆီတ၀င်းဝင်း ထွားထွားဖွံ့ဖွံ့
သုံးလလောက် လောကထဲမှာ နှာခေါင်းရှုံ့ ခဲ့ဖူးတဲ့ဝက်
ဂိုးသွင်းမကောင်းနိုင်ခဲ့တဲ့ ကြက်ပေါင်တံများ
လေတွေတဟူးဟူးတိုက်နေတဲ့ နီဝါစိမ်းရောင်သစ်တောကြားမှာ
လရောင်ကိုကြိုဆိုနေတယ်။

ဝိဥာဉ်တစ်ခုနဲ့တွေ့ တယ်
ကျနော် ဘာမှမပြောနိုင်ခင်သူက....
" ချစ်လှစွာသော မောင်ဟ၀ှာ...
နီတိတွေ ကျင့်ဝတ်တွေဆိုတာ
ငါတီထွင်လိုက်တာ...၊
ငြိမ်းချမ်းရေးဆိုတာ...
ငါပိုင်တဲ့ဝေါဟာရ၊
မင်းကြားဖူးမှာပါ
အဲဒီ ပါ့ဘလို ပီကာဆို
ဆူဆူဖြိုးဖြိုး ချိုးဖြူငှက်ရယ် ငါးပိချက်နဲ့တို့ စားမရတဲ့ သစ်ကိုင်းရယ်ကို
ငါခိုင်းလို့ ဆွဲခဲ့ရတာ....
ပီကာဆို ခမျာ ရုပ်ဆိုးဆိုးမိန်းမပုံတွေတောင် ခနဘေးထားခဲ့ရတယ်။"

လေအေးတွေတပွေ့ကြီး မွှေ့ ပြန်ပြီ၊
သူ့ စကားသူပြန်ကြားနေရတဲ့အပေါ်မှာ
သူဟာအင်မတန်ပီတိဖြာတတ်သူ ဆိုတာ
ကျနော့်လက်ခုတ်သံနဲ့ရင်းပြီးကျနော်ရှာဖွေလိုက်နိုင်တယ်။

သူ ခန..နားတယ်..
ကျနော့်ကိုအကဲခတ်တယ်...
ခေါင်းကိုခပ်မော့မော့ဖြစ်အောင်
သူ့ မေးစေ့ကို ရှေ့ ကိုငေါ့တယ်...
ခပ်ပြူးပြူးမျက်လုံးကို ပိုပြူးအောင် ကီသွင်းတယ်...
ပြီးတော့..ကျနော့်ကိုအကဲခတ်ပြန်တယ်....၊

ကျနော်က ဘောင်းဘီချုပ်ရိုးကြားထဲက
သန်းဥတွေကို သတိရနေတယ်။
အဲဒီသန်းဥတွေကို ကြက်ဥတွေသာဆိုရင်
ဖျားသေသွားတဲ့ ငါ့သူငယ်ချင်းကို ပြုတ်ကျွေးလိုက်မိမှာ
သူ့ ခမျာ အလံလေးတောင်အလွှမ်းမခံရရှာပဲ
တောနက်ထဲမှာသေရတာ.....
ငါလဲမကျက်တကျက်လေးပြုတ်ပြီး ဆားဟင်းချိုလေးနဲ့
ဆန်ကြမ်းပူပူနွေးနွေးနဲ့
စစ်ကြောင်း မလျှောက်ခင်စားလိုက်ရရင်ကောင်းမှာ...
ကျနော်အဲသလိုတွေးမိလိုက်တယ် ။

"စစ်ဆိုတာမယဉ်ကျေးသူတွေရဲ့ ဖြေရှင်းနည်း၊
ခွင့်လွှတ်မှုနဲ့ကြေးရေတတ် တစ်ဦးလို ပြုံးတတ်စမ်းပါ"
အဲလိုအပြောနဲ့ ကျနော့်အတွေးကို သူဖြတ်လိုက်တာများ
ငှက်ကြီးတောင်ဒါးနဲ့ ငှက်ပျောပင်ပေါက်စကို
ပိပိရိရိခုတ်ချလိုက်သလိုပဲ။

သူ မျက်မှောင်ကြုံ့တယ်၊
သူ့ ပါးနှစ်ဖက်သူဆေးထိုးအပ်နဲ့အပြုံးတွေထိုးထည့်တယ်
ပြွတ်ကနဲပြွတ်ကနဲ...။

သူပြုံးလာပါပြီကြည်ကြည်လင်လင်ပါပဲ
သူ အသင့်ဖြစ်နေပြီ ၊
စတင်၍ ဆီမန်း မန်း ပါပြီ၊
ကျနော်ဟာ သူ့ မန်းမှုတ် သရဇ္ဇယ်မှုအားလုံးကို
အလွတ်လောက်နီးနီး သိနေတယ်
ဘာရယ်မဟုတ်ပါဘူး..။

သို့ပေသည့်....
သူ့ စကားတွေ သူ့ စေ့ဆော်မှုတွေနဲ့
ကျနော်တို့ဘာကြောင့်သူပုန်ဖြစ်ခဲ့တယ်ဆိုတာမပြောချင်တော့ဘူး။

လမ်းမပေါ်မှာဖရိုဖရဲနဲ့ အလဲလဲအကွဲကွဲအလောင်းတွေဆိုတာ
အစစ်တွေမဟုတ်တော့ဘူး။

တောင်ကြား တောနက်မှာ အသက်ပါပျောက်အောင်
မုဒိန်းကျင့်ခံလိုက်ရတဲ့မိန်းမတွေအလောင်းဟာ သူယောင်မယ်တွေအဖြစ်
အစစ်တွေမဟုတ်တော့ဘူး။

သူ့ ရဲ့ လက်ခံမှုနဲ့ သူ့ ရဲ့စကားတွေနဲ့
လူသတ်သမားတွေအားလုံးဟာ ကယ်တင်ရှင်တွေဖြစ်သွားကြပြီ ...ဆိုပဲ
ကျေးဇူးတော်ပေါ့ ...။

ချမ်းသာပြည့်စုံနေတဲ့ လူသတ်သမားကြီးတွေကို အာမခံတွေရောင်းနေတဲ့
အဲဒီ အရောင်းကိုယ်စားလှယ်တစ်ယောက်ရဲ့မျက်နှာကို ကျနော်မမြင်ချင်တော့ဘူး။

ကျနော်တို့  ပစ်ကွင်းထဲမှာပဲရှင်သန်မယ်
ခင်ဗျားစေ့ဆော်တဲ့ သားသတ်ရုံထဲကို
သြဘာသံပေးပြီးပြေးဝင်ဖို့ ဘယ်တော့မှ အသင့်မရှိဘူး။

ကျနော်တို့ ဇက်ပိုးတွေပေါ်မှာ ခင်ဗျားခြေရာတွေရှိနေတုန်းပဲ
ကျနော်တို့ ဘ၀တွေရဲ့ ကျိုးကြေမှုတွေကြားထဲမှာ ခင်ဗျားရဲ့ခြေရာတွေရှိနေတုန်းပဲ။

ကျနော်တို့ ရန်သူ့လက်နဲ့မကျဆုံးခဲ့ဘူး ၊
ဒါပေမယ့် ခင်ဗျားလက်နဲ့သုတ်သင်နိုင်ခဲ့တယ်။

ခွင့်လွှတ်ပါ... နလပိန်းတုံးငပိန်းတစ်ကောင်မဟုတ်တာ။
ခွင့်လွှတ်ပါ...ခင်ဗျား ခြေသလုံးဖက်လို့ တက်လမ်းမရှာတတ်တာ။
ခွင့်လွှတ်ပါ...ခင်ဗျားကိုအသုံးချပြီး ငါးခုံးမတွေကြားမှာဖျတ်ဖျတ်မလူးတတ်တာ။
ခွင့်လွှတ်ပါ...ခင်ဗျားကျပျောက်သွားတဲ့...
ခင်ဗျား...ချဖျောက်ခဲ့တဲ့ ....
ခင်ဗျားရဲ့ ပေတံတွေကိုကျနော် ခင်ဗျားကိုပြန်အပ်ပါရစေ......။

သူဟာသွေးရူးသွေးတန်းဖြစ်မှုကို
အက်စ်တီလောက်ဒါ မိတ်ကပ်နဲ့ဖုံးလိုက်ပြီး
ကျနော့်ကိုပြောလိုက်တယ်....
"ငါ့ပေတံဟာ ငါ့ကိုယ်ငါ ပြန်တိုင်းဖို့ မဟုတ်။"

အဟုတ်ပါ
ကျနော်ဟာ
ခင်ဗျားရဲ့ ဗလောင်းဗလဲနိုင်မှုကို ခမ်းနားကြီးမြတ်တဲ့စကားလုံးတွေနဲ့အစားထိုးပြီး
ကျနော့်ကိုယ်ကျနော် အကြီးအကျယ်လိမ်ဖို့ကြိုးစားဖူးတာပေါ့
ကျေးဇူးတွေတောင်အတင်ကြီးတင်လို့ ။

ဒီမယ် အချစ်ရေ...
ကျနော်ဟာ အသက်အာမခံမလိုတဲ့
အပြစ်မဲ့သူတယောက်ပါ
တသက်တာမှာအမှားဆိုလို့ ခင်ဗျားကိုချစ်ခဲ့တာ.....................။

အဲဒီမှာ...ခွေးအတွေဟာ စူးစူးဝါးဝါး
မဟားဒရားအူတော့တာပါပဲ။

တုတ်ကြီး( ခေတ္တ တာဝတိံသာ)

Civil war is in renewal process.

Monday, April 26, 2010

Reflection of Khin Zaw Win and His shameless gang

I have written a numbers of satires, articles, short stories, and poems. Most of my works are in my mother language. When I compose a poem, I let myself flow within my hidden self, craw on my naked wound, cry like a desert sand-storm on my very feast, intercourse joyously in my vein, with sudden silent, not even whisper blink of my eyes, where I press the full stop key softly, then walk away, standing by the glass window, gazing in the sky, yes deep into suicidal emptiness, thereafter I sigh and light my cigarette, inhale like a black hole, while struggle to sing some melody that I never heard of, and that is all.

Is it?
Yes…indeed.

Well, damn you all …..!
Those of you, who deceive the poor people and licking the balls of the dictators and giving bogus hopes for the future, dig your very own grave for the soul that you never possessed oh….. My..! Spineless creatures…!

Hello...manipulative well-wishers from every corner of the world, come , take, have, own, enslave our souls as the way you want , just like the puppets, just like the clever pets, not even that, befriended with dictator and you can kill us just like a bunch of pests.

Hello... Holiest hellish highest people of dignity , integrity , and prosperity , please come and help us destroy our mother land , back to back with devils in the power, impostors in democratic mask, come and enjoy the raped breasts of our innocent girls, cleanse your feet in the tear shed of our innocent children and please...please.. Have mercy and do consume our very own flesh with democratic dream.

Right here… Right now…! I will substantiate how pathetic we are.
Just take a closer look ……..and just gaze for awhile.
Just take a look, like the vultures hovering in the sky……

Tote kyi (tar wa tain thar)

အာကျယ်ဖာဆွယ်နှင့် ရှောက်သီးတတင်း နောက်မီးလင်းသူများ

Saturday, April 24, 2010

ကျွန်ုပ် တရား စခန်းဝင်နေ၏။ ကိစ္စအရပ်ရပ်အား အနုလုံပဋိလုံ ရှုရင်း မြတ်ဘုရား၏ ဆိုဆုံးမမှုများကို နှလုံးသွင်းကာ ဆရာတော်ဘုရားကြီး၏ ဘ၀ဖြစ်တည်မှုစက်ဝိုင်းဆီ မနောညွှတ်ကာ မျက်ဝန်းအစုံအား ခေတ္တပိတ်နေလိုက်၏။
အော် ချမ်းသာလေစွ တကား။ ငါမရှိ ။ သူမရှိ။ အရာဝတ္ထုမရှိ။ ပေါ့ပါးလွတ်လပ်မှုတွေနှင့် စိတ်အစဉ်သည် မြတ်တရားတွင်မွေ့ လျှော် ယဉ်ပါးလျှက် ..............။

တိန်..................................။
ဟ...သောက်ခွေး...ဘယ်ခွေးမသား လဲ ဟ။

ကျုပ် က တရားမှတ်နေတာ ရုတ်တရက်ကြီး တိန်ကနဲ အီးမေးဝင်လာတော့ လန့် တာပေါ့လို့ ...........။
သို့ ကလိုနှင့် ၀င်လာသော အီးမေးအား ဖတ်ကြည့်လိုက်သည်တွင် တော့.............

ဦးခင်ဇော်ဝင်း ရေးသားသော
အမျိုးသားဒီမိုကရေစီအဖွဲ့ ချုပ် ၀ါရင့် အဖွဲ့ ဝင်များ ဖြစ်သည့် ဦးခင်မောင်ဆွေ ၊ ဒေါက်တာ သန်းငြိမ်း နှင့် ဦးစိန်လှဦးတို့ဖြင့် ဆွေးနွေးချက် ဟူ သော ခေါင်းစဉ်ဖြင့် ဧပြီ လ ၇ ရက်နေ့ စွဲပါ ဆောင်းပါး သို့မဟုတ် စာတမ်းဖြစ်နေပါတော့သည်။
အင်္ဂလိပ်လိုရေးသားသဖြင့် ခင်ဇော်ဝင်း ဖတ်စေချင်သော သူများ မှာ မြန်မာစာတတ်စရာမလိုသူများ ဟု နားလည်၍ ရပါသည် တနည်းအားဖြင့် ရဟန်းရှင်လူ ပြည်သူလူထု နှင့် တပ်မတော် သားများ အား စာဖတ်သူအနေဖြင့် ရည်ရွယ်ရေးသား ထားသည့်ပုံမပေါ်ပါ။

၎င်း၏ ဆွေးနွေးချက်ကို ခေါင်းစဉ်ငယ် ခုနှစ်ချက်ဖြင့် ရေးသားထားပါသည်။

ထိုအချက်များ အား လေ့လာသုံးသပ်ရမည်ဆိုလျှင် ပထမ ဆုံး ခေါင်းစဉ်ငယ်အောက်မှ ဆွေးနွေးချက်သည်ကား အမျိုးသားဒီမိုကရေစီအဖွဲ့ ချုပ်၏ ဆုံးဖြတ်ချက် မည်သို့  ဖြစ်ပေါ်လာပုံ ဟု ဖြစ်ပါသည်။

မတ်လ၂၂ရက် ဗဟိုဦးဆောင်ကော်မတီ အစည်းအဝေးပွဲတွင် အောင်ဆန်းစုကြည် သူ့ ရည်ညွန်းချက် (ASSK) အနေဖြင့် ကွဲပြားသော ဆုံးဖြတ်ချက်များ အား မလိုချင်ဟု ဆိုလိုထားသည်။
ဗဟိုဦးဆောင်ကော်မတီ၏အမြင်မှာမူကား ဤဆုံးဖြတ်ချက်သည် ဦးအောင်ရွှေနှင့် အောင်ဆန်းစုကြည် (ထိုကဲ့သို့ဆုံးဖြတ်ခွင့်အားအစောပိုင်းကတည်းက နှင်းအပ်ပြီးဖြစ်)တို့အနေဖြင့်ဆုံးဖြတ်သင့်သည်ဖြစ်သည်။ ယင်းအမြင်အား ဒေါက်တာတင်မျိုးဝင်း မှ အောင်ဆန်းစုကြည်ထံ

ပုံမှန်ဆေးစစ်မှုပြုလုပ်ရန်သွားရောက်တွေ့ ဆုံသည့်အချိန်တွင် အသိပေးတင်ပြရမည်ဖြစ်သည်။
သို့ သော်ငြား လည်း ၂၃ ရက်နေ့ တွင် ညဏ်ဝင်း က အောင်ဆန်းစုကြည်အား သွားရောက်တွေ့ ဆုံခဲ့သည်။ သူ့ အနေဖြင့် ပြီးခဲ့သောနေ့မှ ဗဟိုအလုပ်အမှုဆောင်ကော်မတီ၏ ဆုံးဖြတ်ချက်အား အောင်ဆန်းစုကြည်ကို အသိမပေးရန် (လျှို့ဝှက်ထားရန်) ဖြစ်သည့်အစား

ဗဟိုကော်မတီတစ်ရပ်လုံးအပေါ်သြဇာသက်ရောက်ခဲ့သော အောင်ဆန်းစုကြည်၏ မှတ်ချက် ကိုပြန်လည် သယ်ဆောင်လာခဲ့သည်။

မတရားသည့်ဥပဒေအာက်တွင် သူ့ အနေဖြင့် တွေးတောင်မတွေးဆိုသည်မှာ အောင်ဆန်းစုကြည်၏ ပြောဆိုချက်ဖြစ်၏။ပါတီ၏ ဦးဆောင်မှုကို မျက်ကွယ်ပြုခေါက်ထားကာ ညဏ်ဝင်း က အောင်ဆန်းစုကြည်၏ မှတ်ချက်အား သတင်းနယ်ပါယ်သို့ အရောက် ပို့ ခဲ့၏။ အောင်ဆန်းစုကြည်ဖြည့်စွက်သည်မှာကား

မည်သို့ပင်ဖြစ်စေကာမူ သူ့အနေဖြင့် ၂၉ ရက်နေ့ တွင် ရရှိလာသော ဗဟိုကော်မတီ၏ဆုံးဖြတ်ချက်ကို လေးစား လိုက်နာမည်ဖြစ်သည်ဟုဖြစ်၏။

သို့သော်လည်း အစည်းအဝေးတွင် ဆိုးဝါးသည့်မှတ်ချက်က ဆုံးဖြတ်ချက်အပေါ်ကြိုတင်သြဇာသက်ရောက်ခဲ့ပြီးဖြစ်၏။အဖွဲ့ ဝင်အနည်းငယ်မျှသာ သတ္တိပြောင်ပြောင်ဖြင့် ပါတီအနေဖြင့်ဆက်လက်တည်ရှိနေသင့်၍ ပြန်လည်မှတ်ပုံတင်ရန် တင်ပြခဲ့ကြ၏။ (ဗဟိုဦးဆောင်ကော်မတီဝင်များအနေဖြင့် စကားပြောခွင့်အား
ပိတ်ပင်ခံခဲ့ရပါသည်)
အောင်ဆန်းစုကြည်ဘာလိုချင်သည်ကို အောင်ရွှေ သိနှင့်ပြီးဖြစ်သဖြင့် သူ့ အနေဖြင့် မဆန့် ကျင်ခဲ့ပေ။ သူ့ အနေဖြင့် အောင်ဆန်းစုကြည်၏ဆန္ဒများအတိုင်းလိုက်နာမည်ဆိုသည်မျှသာပြောခဲ့၏။
ပျော့ပျောင်းကြောင်းကျိုးဆီလျော်မှုရှိသည့် အဖွဲ့ ဝင်များက အောင်ဆန်းစုကြည်၏ ထင်မြင်ချက်အား ပါတီ၏ဆုံးဖြတ်ချက်မချခင် မကြေငြာခဲ့သင့်ဟု ခါးသီးစွာပြောဆိုကြ၏။ အခြား ရပ်ဝန်းမှ ပြောဆိုသည်ကမူ လူငယ်အဖွဲ့ ဝင်တို့ ၏ အမြင်နှင့် တောင်းဆိုချက်များ က ထိုကိစ္စရပ်နှင့်ပါတ်သက်၍ မဲခွဲဆုံးဖြတ်ရေးကို

ပိတ်ပင်ခဲ့သည်ဟုဖြစ်၏။

ထို့ကြောင့်တဖန် နောက်ဆုံးအကြိမ်ဖြစ်ဖွယ်ရှိသည့် ခေါင်းဆောင်လုပ်သူ၏ စိတ်ခံစားမှု သည် လေးနက် လက်တွေ့ ကျလှသည့် ဆုံးဖြတ်ချက်ချခြင်းကိုလည်း သက်ရောက်အောင်မြင်သွားခဲ့ပြန်၏။
"နှစ်ပေါင်းနှစ်ဆယ် ခါးသက်ခက်ခဲတဲ့အလုပ်တွေ ပြီးတဲ့နောက်မှာ ခုတော့ငါတို့ ဟာ ခေါင်းမရှိသူတွေပဲ " မှတ်ချက်။ ။ မည်သည့်စကားဟု ခင်ဇော်ဝင်းမှ ဖော်ပြ မထားပါ။

ထို့ နောက် ဦးခင်ဇော်ဝင်း၏ ဒုတိယ ခေါင်းစဉ်ငယ် ပြီးဆုံးခဲ့သော ခါ ဆိုသည့်အပိုင်းဖြစ်ပါသည်။

ပြီးဆုံးခဲ့သောခါ

ပြီးခဲ့တဲ့ တနင်္လာနေ့  ဧပြီငါးရက်နေ့ က ဗဟိုဦးဆောင်ကော်မတီရဲ့စည်းဝေးပွဲတခုလုပ်ခဲ့တယ်။ စာရွက်တွေဖြန့် ခဲ့ကြတယ် တစ်ခုကတော့ ပြည်သူကိုဝန်ချတောင်းပန်တာဖြစ်ပြီးအခြားတစ်ခုကတော့ပါတီ
ပြန်လည်တည်ဆောက်ရေးဖြစ်ပါတယ်။ (အုန်းကြိုင်နှင့်ဟံသာမြင့်တို့မူကြမ်းရေးခဲ့တာဖြစ်) အဲဒီထဲမှာပါတာကတော့ အထက်အောက် တည်ဆောက်ပုံကို ဒေါက်လိုက်တည်ဆောက်တဲ့ပုံစံ
နဲ့အစားထိုးဖို့ဖြစ်ပြီး ပျော့ပျောင်းကြောင်းကျိုးဆီလျှော်မှုရှိတဲ့အဖွဲ့ ဝင်တွေအမြင်ကတော့ မြေအောက်လုပ်ငန်းအတွက် ဖုံးကွယ်မှုတစ်ခုသာဖြစ်သဖြင့်
ပါယ်ချခဲ့ကြပါသည်။ သူတို့အနေဖြင့်မြင်သည်ကမူ ဌာနချုပ်ရဲ့ အတည်ပြုမှုနဲ့လုပ်ကိုင်နေသလိုဖြစ်ပါသည်။ ဘာပဲဖြစ်ဖြစ် မေလ ခြောက်ရက်နောက်ပိုင်းမှာ အမျိုးသားဒီမိုကရေစီအဖွဲ့ ချုပ် ရှိတော့မှာမဟုတ်ပါဟု သူတို့က ပြောခဲ့ကြပါသည်။ အကယ်၍ တင်ပြသူများ အနေဖြင့် တာဝန်ယူမည်ဆိုလျှင်မူ သူတို့ ဘာသာ
သူတို့ဆက်လက်လုပ်ကိုင်နိုင်သည် ဟု ဖြစ်ပါသည်။

လူမှုလုပ်ငန်းများဆီသို့  အမျိုးသားဒီမိုကရေစီအဖွဲ့ချုပ် အနေဖြင့် ဦးတည်နေသည်ကိုကား ခင်ဖျင်းဖျင်းလုပ်ရပ်တခုဟု ကျနော်တို့ မှ သဘောတူပါသည်။
ဆိုရမည်ဆိုလျှင် ရည်ရွယ်ရာ အသိုင်းအ၀န်းများနှင့် တကယ့်အလုပ်ကိုလုပ်နေသော လူမှုလုပ်ငန်းအဖွဲ့ အစည်းများ အားလုံးသော ပါတ်သက်သူများအပေါ်ဆိုးကျိုးသက်ရောက်မှုများ ရှိလာပါလိမ့်မည်။

တဖန် ဦးခင်ဇော်ဝင်း၏ ခေါင်းမာသူများနှင့်သူတို့၏ရပ်တည်ချက် ဆိုသည့် အပိုဒ်မှာ ...

ခေါင်းမာသူများနှင့်သူတို့၏ရပ်တည်ချက်

ထိုသူများသည် လေးဦးဂိုဏ်းဟု သိရှိလာရသည့် ၀င်းတင်၊ ညဏ်ဝင်း၊ အုန်းကြိုင်နှင့်ဟံသာမြင့်တို့၏ ဦးဆောင်မှုကိုခံယူသည်။ထိုသူများအနေဖြင့်အထက်ဆီးရခဲ့ပြီးပြီဟုထင်မြင်ရသည်။
ဝင်းတင်က ဦးတင်ဦးနှင့် အောင်ဆန်းစုကြည်အား ဗဟိုချက်မ အနေဖြင့်ဝန်းရံ အလုပ်လုပ်ကြ ၊ နယ်များတွင်ရှိသော အစုအဖွဲ့များ ပိုမိုတက်ကြွသင့်ကြသည် ဟု ဟစ်ကြွေး၏။သို့ သော် ၄င်းကိုယ်တိုင်ကမူ တုတ်တုတ်မျှမလှုပ်။ နိုင်ငံခြားမှ များပြားသော ရံပုံငွေများ လက်ခံရရှိနေသော်လည်း ပါတီသို့ သူက
အပ်နှံခြင်းမရှိ။ တက်ကြွလှုပ်ရှားသူများ ထဲမှတစ်ဦးအား ငွေကြေးထောက်ပံ့မှုဖြင့် ဆွဲချက်တင်ခံရသည်ကို ဖော်ပြခဲ့ပြီးဖြစ်၏။ (မည်သည့်နေရာတွင်ဖော်ပြသည်ကိုပြောမထား) ၀င်းတင်(WT) နှင့် ထိုအုပ်စုကတော့ အလွန် အန္တရာယ်ကြီးမားသော လမ်းကြောင်းကိုရွေးချယ်တော့မည်ဖြစ်၏။

ထို့ အတူ ဒေါ်အောင်ဆန်းစုကြည်နှင့်ပါတ်သက်၍လည်းအောက်ပါကဲ့သို့ ....

အောင်ဆန်းစုကြည်

ပထမဆုံးအနေဖြင့် ၀ါကြီးသော အမျိုးသားဒီမိုကရေစီအဖွဲ့ ချုပ်ခေါင်းဆောင်များက အောင်ဆန်းစုကြည်ကို ပြင်းပြင်းထန်ထန်ဝေဖန်တာကို ကျနော်တို့ ရရှိလာတယ်။ (ဒီလိုဖြစ်လာမှာကို နှစ်ပေါင်းများစွာကတည်းကကျနော်ကကြိုမြင်ခဲ့ပြီးသား{ခင်ဇော်ဝင်းအရေး})
အောင်ဆန်းစုကြည်ဟာ အိမ်တွင်းထိမ်းသိမ်းခံရတဲ့အနေအထားကို အလွန့် ကိုအသာတကြည်လက်ခံသည်ဟုသူတို့ကမြင်ကြ၏။ ကျမကိုအိမ်ထဲမှာပဲထား ညဏ်ဝင်းကတဆင့်အလုပ်လုပ်နိုင်တယ်ဟု ပြုမူနေသယောင်တောင် ထင်ရ၏။ အောင်ဆန်းစုကြည်ဟာ အခွင့်အရေးကိုအသုံးချဖို့ အပြင်ကိုထွက်ဖို

့မကြိုးစားခဲ့သည့် အစား သူ့ ကိုယ်သူပင် ညဏ်ဝင်း၏ခြယ်လှယ်မှုအောက်တွင် နေထိုင်နေ၏။

မှတ်ချက်များ

" ဒီဆုံးဖြတ်ချက်နဲ့ ငါတို့ ကို သူက ပစ်ထားလိုက်ခဲ့ပြီ"
" အောင်ဆန်းစုကြည်မှာဘာရပ်တည်ချက်မှမရှိတော့ဘူး"
"ငါတို့ က ခုတော့ရေဆန်ကိုလှန်ကူးနေရပြီ လိုအပ်လာရင် ငါတို့ အောင်ဆန်းစုကြည်ကိုဆန့် ကျင်ရမယ်"
အောင်ဆန်းစုကြည်ဟာ ၀င်းတင်ကိုမျက်ကန်းယုံကြည်မှုနဲ့ပုံအပ်ပြီး ခေါင်းမာသူတွေကို သူ့ ဖက်မှာထားလိုက်ပြီ။
အောင်ဆန်းစုကြည်ဟာ နအဖရဲ့ထောင်ချောက်ထဲ ထပ်ဝင်ပြန်ပြီ။
အောင်ဆန်းစုကြည်ဟာ မကြာခင်သူလွတ်လာတော့မယ်ဆိုတာသိရက်နဲ့ ယက်တော ကိစ္စကိုသိသိကြီးအဖြစ်ခံခဲ့တယ်။ အောင်ဆန်းစုကြည်ဟာ မြန်မာပြည်သူလူထုအတွက်လုံးဝမစဉ်းစားဘူးဆိုတာပြလိုက်တာပဲ။
သူတို့တွေ အောင်ဆန်းစုကြည်ကို ထပ်ပြီး မျှော်လင့်ချက်ကြီးနဲ့စောင့်နေမှာမဟုတ်တော့ဘူး ။

အနာဂါတ်ကို ဦးခင်ဇော်ဝင်းတို့  ဆွေးနွေးပွဲမှ ရှုမြင်ရာ....

ရှေ့ ကကြိုတဲ့လမ်း

ပါတီသစ်တစ်ခုကို စဉ်းစားနေပြီ။ အဲဒီမှာပါတီတစ်ခုရှိရမယ်။ ပြည်သူ့ အကျိုးစီးပွားနဲ့အခွင့်အရေးကို ကာကွယ်မယ့်ပါတီဖြစ်မယ်။
ပါတီသစ်ကြေငြာချက်ကို မေလ ခြောက်ရက်နေ့ မတိုင်ခင် မကြေငြာဘူး ဘာကြောင့်ဆိုလျှင် အမျိုးသားဒီမိုကရေစီအဖွဲ့ ချုပ် ဆက်ရှိနေသေးလို့ ဖြစ်ပါသည်။
တသီးပုဂလ လွှတ်တော်အမတ်ရဲ့ အတိုင်းအတာက အလွန်အကန့် အသတ်ရှိတယ်။ သူတို့ ရဲ့ ပူးပေါင်းဆောင်ရွက်မှုနဲ့ အတိုင်အဖောက်ညီမှုဟာ အားနည်းချိနဲ့နေမယ်ဖြစ်ပြီး
သူတို့ ဟာ ရှေ့ မှာကြိုရှိနေတဲ့ အရေးကြီးတဲ့ထုနဲ့ထည်နဲ့ကိစ္စတွေကို ဆောင်ရွက်နိုင်စွမ်းရှိမှာမဟုတ်ဘူး။

ဦးခင်ဇော်ဝင်း တင်ပြသော ဦးခင်မောင်ဆွေ၏

ခင်မောင်ဆွေ ခွဲခြမ်းစိတ်ဖြာရှင်းလင်းတဲ့ ရွေးချယ်စရာသုံးခု

ပါတီသစ်
တသီးပုဂလအနေဖြင့်ယှဉ်ပြိုင်ခြင်း။ ငွေသိပ်မကုန်ပဲတော်တော်များများကလုပ်ချင်နေတဲ့လမ်းကြောင်း
အမျိုးသားဒီမိုကရေစီအဖွဲ့ ချုပ်ဆက်လက်တည်ရှိဖို့ အင်မတန် ပါးမျှင်သည့်အခွင့်အရေး တစ်ခုဖြစ်သည်။
ပါတီသစ်ကို ကေဒါပါတီအနေဖြင့် စတင်ပြီး အနည်းသုံးဆုံးနေရာဝင်ပြိုင်မည်။ အောင်ဆန်းစုကြည်ပါတီတွင်းပါဖို့ မပါဖို့ က အပရိက ကိစ္စမရှိ။ အကယ်၍ မိမိတို့ ကလုပ်လိုလျှင်တောင် အလွဲသုံးမှုဖြင့် အတိုက်ခိုက်ခံရလိမ့်မည်။
ဒေါက်တာဝင်းနိုင် ၊ ဦးသိန်းညွန့် နှင့် အခြား သူများ ပါဝင်သော ဗဟိုကော်မတီကို အမြုတေအဖြစ်ဖွဲ့မည်။ ငွေကြေးနောက်ခံသည်အရေးကြီးသည်။ သို့ သော် ပါတီဖွဲ့ ရန်ဆုံးဖြတ်ချက်သည် ပထမဦးစားပေး ဖြစ်ရမည်။
အဲဒီပါတီမှာအောင်ဆန်းစုကြည်မပါလို့ လူထုက မဲမပေးဘူးဆိုတာကတော့ ဖြစ်နိုင်ခြေမရှိဘူး ။

၎င်း၏ ကိုယ်ပိုင်မှတ်ချက် များမှာကား ...

ကျနော့်မှတ်ချက်(ဦး ခင်ဇော်ဝင်း)

အမေရိကန်အသံရဲ့ ဒီမနက်ကဆွေးနွေးပွဲမှာ ကျနော်ပါခဲ့တယ်။ အမျိုးသားဒီမိုကရေစီအဖွဲ့ ချုပ်က ဆွေးနွေးလာသူနှစ်ယောက်က သူတို့ ပါတီပြန်လည်မှတ်ပုံမတင်ဘူး ဆိုတာ ဟာ သူတို့ ရဲ့နိုင်ငံရေးရပ်တည်ချက်ဖြစ်တယ်လို့  ကြေငြာပါတယ်။ ကျနော်ကပြောတယ် အိုကေ ဒါပေမယ့် အဲဒါဟာ ယိုင်နဲ့ နေတဲ့

ပြည်သူလူထုကို စွန့် ခွာတာလဲဖြစ်တယ် သန်းပေါင်းများစွာ ဟာ အမျိုးသားဒီမိုကရေစီအဖွဲ့ချုပ်အတွက် ၁၉၉၀ ခုနှစ်မှာမဲပေးခဲ့ပြီးပြီလို့ ဖြည့်စွက်ပြောခဲ့ပါတယ်။

ကောင်းပြီ ဦးစွာ ပထမ ဖြစ်ပျက်နေတဲ့ကိစ္စတွေကို ကျနော့်အနေနဲ့မအံ့သြပါဘူး။ အချို့ အမျိုးသားဒီမိုကရေစီအဖွဲ့ ချုပ်ခေါင်းဆောင်တွေဟာ အမူအကျင့်ဟောင်းတွေအတိုင်းပဲ ပြုမူနေတာဖြစ်ပါတယ်။
ဒီတကြိမ်ကတော့သူတို့ရဲ့ ပတ်စာခွာဖျာမလိပ်ခင်ဖြေဖျော်မှုပေါ့ ။ အမျိုးသားဒီမိုကရေစီအဖွဲ့ ချုပ်အတွင်းက တကယ့်ကို လေးနက်တဲ့ လူတွေအတွက်ကတော့ အားလုံးသော ဆိုးရွားတဲ့အစိတ်အပိုင်းတွေရဲ့နှစ်ပေါင်းနှစ်ဆယ်လုံး အစွယ်တငေါငေါနဲ့ နှောင့်ယှက်မှုတွေရဲ့ဝန်ထုတ်ဝန်ပိုးလျော့သွားတာပဲလို

့ကျနော်ကပြောရပါလိမ့်မယ်။
နောက်ဆုံးမှာတော့ အမျိုးသားဒီမိုကရေစီအဖွဲ့ ချုပ်က ဆုံးဖြတ်လိုက်ခဲ့ပြီးပြီ အဲဒီအတိုင်းပဲရှိစေတော့ ။ ခုချိန်ကစပြီး ကျနော်တို့ ဟာ တကယ့် လုပ်ငန်းတွေကို အာရုံစိုက်နိုင်ကြပြီ။

အသစ် သို့ မဟုတ် ပြန်လည်ပြင်ဆင်ဖွဲ့စည်းထားတဲ့ အမျိုးသားဒီမိုကရေစီအဖွဲ့ ချုပ်အနေနဲ့ နိုင်ငံရေးအတ္တဘာဝမှာ နေရာတစ်ခု ထိုက်တန်ပါတယ်လို့ ကျနော့်အနေနဲ့ယုံကြည်ပါတယ်( အဲဒီပါတီဟာ အမျိုးသားဒီမိုကရေစီအဖွဲ့ ချုပ် နာမည်သုံးနိုင်ခြေမရှိပေမယ့် အဲဒီပါတီဟာ အောင်ဆန်းစုကြည်လွန်

အမျိုးသားဒီမိုကရေစီအဖွဲ့ ချုပ်ရဲ့သက်ရောက်မှုပဲဖြစ်ပါတယ်) အဲဒီပါတီဟာ ၀င်ရောက်ယှဉ်ပြိုင်မှုကိုလိုလားတဲ့ အမျိုးသားဒီမိုကရေစီအဖွဲ့ ချုပ်ပါတီဝင်တွေနဲ့ ထောက်ခံသူတွေအတွက် ပျော်ဝင်စည်းကပ်ညီညွတ်တသားတည်းဖြစ်စေအောင် သယ်ဆောင်မယ့်ယာဉ်တစ်ခုဖြစ်ပါတယ်။
အဲဒီပါတီရဲ့ချည်းကပ်မှုက " မပါဝင်လိုသူတွေရဲ့ အခွင့်အရေးကို ငါတို့ အသိအမှတ်ပြုသလို ၊ သူတို့ ကလဲ ပါတီသစ်အနေနဲ့ ပါဝင်ယှဉ်ပြိုင်လိုတဲ့ငါတို့ ရဲ့ ဆန္ဒကို အသိအမှတ်ပြုလေးစားသင့်တယ်" ။ ဒီနေရာမှာလဲ အောင်ဆန်းစုကြည်နဲ့ ပါတ်သက်လို ဆိုးဝါးတဲ့အပြုအမူတွေရှိမှာမဟုတ်သလို

အောင်ဆန်းစုကြည်ရဲ့ကောင်းချီးပေးမှုကိုတောင်တောင်းခံပါလိမ့်မယ်။ သို့ဖြစ်သော်ငြား အောင်ဆန်းစုကြည်ထံက မပါတ်သက်ကြောင်း မဆိုင်ကြောင်းဆိုတဲ့အရာတွေဖြစ်လာပါလိမ့်မယ်။

အန္တရာယ်ကတော့ အောင်ဆန်းစုကြည်နဲ့ခေါင်းမာတဲ့သူတွေက ပါတီသစ်ကို ဆိုးရွားစွာရှုမြင်လာနိုင်ခြင်းဖြစ်ပါတယ်။ အဲသလိုဖြင့် အားလုံးဆုံးရှုံးခြင်းပဲဆက်လက်တည်တံ့နေမှာဖြစ်ပါတယ်။

နိုင်ငံတကာက ကောင်းမွန်တဲ့ဆန္ဒရှိသူတွေကို ကျနော့်အနေနဲ့ကမ်းလှမ်းချင်တာကတော့
အောင်ဆန်းစုကြည်နဲ့အမျိုးသားဒီမိုကရေစီအဖွဲ့ ချုပ် ရဲ့ ဆန္ဒတွေကို လေးစားခဲ့သလို ပါတီသစ်ရဲ့ အဖွဲ့ ဝင်တွေဟာလဲ အဲဒီလေးစားမှုနဲ့ထိုက်တန်ပါတယ်။ ဘယ်လိုအနေအထားမျိုးနဲ့ မှသူတို့ကို အမျိုးသားဒီမိုကရေစီအဖွဲ့ ချုပ်ကို သစ္စာဖောက်သူတွေလို့ တံဆိပ်မကပ်သင့်ပါဘူး။
ခုလိုအလှည့်အပြောင်းမှာ ထောက်ခံမှုဟာ အင်မတန်အရေးပါလှပါတယ်။

ဒီပါတီသစ်ဟာ ကြံ့ဖွတ်ရဲ့အောင်ပွဲနဲ့ အများစုကြီးရဲ့ကြားမှာအခရာကျလှပြီး ပိုမိုပြီး ဒီမိုကရက်တစ်ဆန်တဲ့ ရလာဒ်တွေကိုရရှိလာနိုင်ပါတယ်။ ဒီပါတီဟာ အကောင်းဆုံးမျှော်လင့်ချက်၊ လေးနက်တည်ကြည်တဲ့ကတိက၀တ်၊ သင့်လျှော် ပြီးလိုက်လျောညီထွေ အစွမ်းအစရှိတဲ့ ဒီမိုကရက်တွေ ပါလီမန်ထဲရောက်ရှိခြင်းနှင့်

ဒီမိုကရက်တစ် တိုင်းပြည် တည်ထောင်မှုတို့ ဖြစ်ဖို့ ဖြစ်ပါတယ်။

နအဖအတွက် မေးခွန်းများ

အမျိုးသားဒီမိုကရေစီအဖွဲ့ ချုပ်ကတော့ ကျောခိုင်းထွက်ခွာနေပြီ ဒါပေမယ့် ကြံ့ဖွတ် ရှုံးနေနိုင်သေးတယ်။ သန်းရွှေရဲ့ အကြံနဲ့  စီမံကိန်းကတော့ စစ်တပ်ကိုယ်စားလှယ် သမတဖြစ်ဖို့ ဖြစ်ပါတယ်။ ဒါပေမယ့် ရွေးကောက်ပွဲရလာဒ်က အမျိုးသားဒီမိုကရေစီအဖွဲ့ ချုပ်မပါဝင်တာတောင် သူလိုချင်သလို ဖြစ်မလာခဲ့ရင်

သန်းရွှေက ရလာဒ်များကို လေးစားပြီးအကောင်အထည်ဖော်မှာလား ။
တရုတ်နဲ့အာစီယံခေါင်းဆောင်တွေအနေနဲ့ဒီမေးခွန်းကို သန်းရွှေကိုမေးသင့်တယ်လို့  ခံစားရပါတယ်။

နောက်ဆုံးမတော့ ဒီမိုကရေစီကို ပြန်မိတ်ဆက်ပေးခြင်း နိုင်ငံနဲ့ နိုင်ငံ့ အရည်အသွေးကိုပြန်တည်ဆောက်ခြင်း ပြီးတော့ ပြည်သူ လူထုဘ၀တွေကို ထွန်းကားအောင် လုပ်ခြင်း တွေ ဖြစ်ရပါမယ်။

စကားချပ်: ကျနော့်အနေဖြင့်ကယ်ဆယ်ရေးကုမ္မဏီထောင်ပြီးလုပ်ငန်းလုပ်သင့်ကောင်းရဲ့။ သင့် အမြင်နှင့် မှတ်ချက်များအားကြိုဆိုပါသည်။

ဤတွင် ခင်ဇော်ဝင်း၏ စာတမ်းပြီး၏။

***********************

ကျွန်ုပ်အနေဖြင့် မည်သည့်မှတ်ချက်မျှ ပေးရန်ပင်မလိုအပ်တော့သဖြင့် ဟိုက်...ဟာ .. ဟင် ..........အို ဟုပင် အာမေဋိတ် ထွက်ပြစရာအကြောင်းမရှိတော့ပါ။
အဘယ်ကြောင့်ဟူမူ ဦးခင်ဇော်ဝင်း ဦးသုဝေ တို့ နှင့်မြန်မာ့အတင်းသတ်မကွ စည်းဝါးရိုက်ကာ ထိုင်းနိုင်ငံသို့ ထွက်လာပြီးနောက် ရှင်းလင်းပွဲများလည်းပြုလုပ်ပြီးဖြစ်ပါသည်။ ဦးခင်မောင်ဆွေတို့ အမျိုးသားဒီမိုကရေစီအဖွဲ့ ချုပ်အပေါ်နှင့် ဒေါ်အောင်ဆန်းစုကြည်အပေါ်ထားသည့် သစ္စာကြေငြာ ရွှေပေလွှာကြီးဘဇာနှင့်တူသနည်းဟူမူ အနှစ်နှစ်ဆယ်ကျော် ပေါင်းသင်းလာပြီးကာမှ "မိန်းမရေ မင်း သွေးမဆုံးမချင်း ၊ ကင်ဆာဖြစ်
လို့ များသားအိမ်မထုတ် နို့ မဖြတ်ရမချင်း ကိုကို တုတ်ကြီးတို့ ကသစ္စာရှိမှာပါဟု "
ပြောသယောင်နှင့်တူလွန်းလှပေ၏။ ဦးခင်ဇော်ဝင်းကတော့ တရုတ်၊ အာစီယံဖောက်သည်များကို ရွာထဲ အသစ်ကလေးလာတော့မယ် ပေါက်ဖော်တို့ရေ အားပေးဖို့ လက်မနှေးကြပါနဲ့ခင်ဗျ ဟု ဆိုသော ရှေးသရောအခါ က ဆူးလေဘုရားလမ်းမပေါ်တွင် လွယ်အိတ်ကလေးတစ်လုံးနှင့်(မည်သည့် ကဗျာဆရာ
စာရေးဆရာမှမဟုတ် ပြည်တွင်းမှလည်းမဟုတ် ပြည်ပ ထွက်လာသူများထဲမှလဲမဟုတ် အတိအကျမဟုတ် အမှန်မဟုတ် လုံးဝမဟုတ် မဟုတ် ဆိုမှမဟုတ် ) ခေါက်တုံ့ခေါက်ပြန်လျှောက်နေကြသော ဖာဆွယ် ဖာခေါင်းများနှင့်တူသေးတော့၏။
လေးစားလောက်ဖွယ် အတိ သစ္စာရှင်ကြီးများ၏ နိုင်ငံရေးနောက်မီးလင်းမှုကို မြင်ရတွေ့ ရသည်မှာကား တုတ်ကြီးအလောင်းအလျာနုစဉ်ကာလကလက်ဖက်ရည်ဆိုင်ထိုင်ရင်း မိတ်ကပ်အဖွေးသားနှင့် အခြောက်ချင်းလင်လုသည်ကို မြင်ရသည်နှင့် တူနေသေးတော့ဟု ဖြစ်ပါလေတော့သတည်း။

ထိုနည်းနှင်နှင် ဧရာဝတီ၊ မဇ္ဈိမ ၊ ဗွီအိုအေ နှင့် သတင်းဌာနများကို ကိုင်တွယ်ကာ စည်းကိုက်ဝါးကိုက် တီးဝိုင်းတိုက်နေသူများ၏ အဖြစ်ကိုလည်းပြုံး၍ နားလည်လိုက်မိပါသည်။
ဘာတဲ့ ဧရာဝတီက ငနဲများက သူတို့ ဆဲစာမရောက်လျှင်ပင် မနေတတ်တော့ဟူသတတ် ၊ ဆြာ ကျော်ဇံသာကလည်းထိုနည်းလည်းကောင်း.................
ဒီတော့ဇာတ်မင်းသားကြီး( ဦးတင်မောင်လား၊ မြို့ တော်ဦးသိန်းအောင်လားမမှတ်မိတော့ ) ၏ သီချင်းလို ထိုနည်းလည်းကောင်း ..ထိုနည်းလည်းကောင်း စီးပွားရေးအခြေအနေမကောင်းလို့  ဖမ်းကာမြွေရောင်း ထိုင်ဖြီးလိုက်ပါသည် ပေါ့လကွယ်။

တုတ်ကြီး ခေတ္တ တာဝတိံသာ

မှတ်ချက်။ ။ ဦးခင်ဇော်ဝင်း၏ စာအား တတ်နိုင်သမျှ အတိအကျဘာသာပြန်ထားပါသည်၊ သို့ ပေသည့် ကျွန်ုပ်တုတ်ကြီးသည် ကျွဲကျောင်းသူ ပညာရှင် မဟုတ်သကဲ့သို့ ဘိလပ်ကျောင်းများတွင် ဂုဏ်ထူး ၀ိသေသများစွာဖြင့် ဓမ္မာစရိယဘွဲ့ ရထားသည့် ကိုယ်တော်လည်းမဟုတ်ပါသောကြောင့် စာဖတ်သူအနေဖြင့် ဆလံပေးရန်မလိုအာမင် အော်ရန်မလိုပါ။

ဘောင်းဘောင်းချွတ်ပြီး ခေါင်းပေါင်းစွတ်ပြီလို့ ဆို............

Monday, April 5, 2010

ကျွန်ုပ် ကိုကိုတုတ် တယောက် စာပေရေးသားခြင်း အမှုအား ရပ်နားထားခဲ့သည်မှာ ကာလကြာညောင်းခဲ့လေပြီ။

အဘယ်အကြောင်းဟူမူ ကျွန်ုပ်ကိုယ်တိုင်လဲ ပြက်ပြက်ထင်ထင် မသိ ။ သို့ သော်ငြား အတွေးတွေက ဦးနှောက်ထဲ ဘလောင်ဆူနေသည်မှာကား တူတူပုန်းတန်းကစားရင်း
ရာဝင်အိုးထဲဝင်ပုန်းလိုက်မိပြီးသကာလ အလုံးလိုက် အတွဲလိုက် အားပါးတရ အီးထုလိုက်မိသည့်နှယ် ကျယ်လောင် လွန်းလှ ... ပဲ့တင်ထပ်လွန်းလှ စိတ်၏ ဂန္ဒာရုံကိုပင် နှောက်ယှက်လွန်းစွ.............။

ကျွန်ုပ်၏ တကိုယ်ရေ စားဝတ်နေရေးအတွက် ကြုံရာ ကျပမ်းအလုပ်များဖြစ်သော ၊ တောက်တိုမယ်ရ လက်တိုလက်တောင်း အလုပ်များကိုလုပ်ရင်း ရရှိ ရှာဖွေလာခဲ့သော အသပြာလေး တမူးတပဲလောက်ကို ကျစ်ကျစ်ပါအောင် လက်ကိုင်ပုဝါကလေးဖြင့်
ထုတ်လျှက် အိတ်ကပ်ထဲ ထည့် ပြီး မေးစိလေးပွတ်ကာ ဘတ်စ်ကားခုံလွတ်ရာဆီ အသော့နှင်ရင်း စိတ်ထဲ တွင် ကိုဗဒင်၏ နေရာဆိုသော သီချင်းကလေးကို ငြီးနေမိ၏။

ယင်းသို့ ဖြင့် ဘယ်အချိန်ကာလ၀ယ်က ဘတ်စ်ကားပေါ်တက်လာသည်မသိသော မိတ်ဆွေ ဗိန္ဒောဆရာက ကျွန်ုပ်၏ သန်မာထွားကျိုင်း တောင့်တင်း ၀ါဝင်းသော လက်မောင်းအိုးကြီး ၀ါးခြမ်းပြားလောက်ကို လှမ်းပုတ်ကာ
"ဟေ့လူ... အောင်မယ်လေးဗျာ ..ကျုပ်တယောက်လုံး ဘတ်စ်ကားပေါ်တက်လာတာမမြင်ဘူးလား ဘာတွေ အတွေးတွေ လွန်နေသလဲဗျ"
ကျွန်ုပ် ၏ စိတ်ထဲ တွင်တော့ ဒင်းကဘာမို့ လို့ ကျုပ်တယောက်လုံး တက်လာတာမမြင်ဘူးလားလို့ ပြောရတာတုန်း" ဟုတွေးရင်း နွေရာသီမနက်ခင်း ဈေးတန်းမှ ငါးစိမ်းသည်၏ ဗန်းထဲတွင်ဖျတ်ဖျတ်လူးနေသော ငါးခူတကောင်လိုပြုံးကာ
"ဘာရယ်ဟုတ်လှပါဘူးလဗျာ... ဂလိုပါပဲ သီချင်းလေး စိတ်ထဲက ငြီးကောင်းလို့ ငြီးနေတာဗျ"ဟု ဆိုက်ကားဘယ်သောအခါမှ စီးမည်မဟုတ်သော မြင်းလှည်းဆရာကို ဖြေလိုက်သည့် လမ်းထိပ်က ဆိုက်ကားဆရာ ကိုပြူးမောင် ၏ ဂိုက်ဖြင့်
လက်ပိုက်ဖြေလိုက်ကာ ထိုင်ခုံနောက်မှီကို အသာလေးမှီပြီး မျက်စိ ကို စုံမှိတ်လိုက်၏။ ထင်လာသော ပုံရိပ်များကို ရုပ်ရှင်ပိတ်ကား တစ်ခုပေါ်မှ ဇာတ်ကောင်များကို ငေးသကဲ့သို့  စိတ်အာရုံဖြင့် ငေးရင်း မျက်စိမှိတ်လျှက်
ငုံထားသော ကွမ်းကို ဖြေးဖြေးလေး ၀ါးနေလိုက်မိတော့၏။ တိုက်ပွဲ သဘောအရဗျူဟာမြောက် ပြောရမည်ဟူမူ ငုံမိမှတော့ ၀ါး မှဖြစ်ပေတော့မပေါ့.. ဟုတ်ပေဘူးလော...။

ဇရက်မင်းစည်းစိမ်ဖြင့် ငြိမ်ငြိမ်လေးနှပ်နေသော ကျွန်ုပ်၏ လိပ်ပြာကို ဆတ်ဆတ်ခါသွားအောင် နားနေသော အကိုင်းအား သောက်ရမ်းကိုင်လှုပ်လိုက်သည်နှင့်တူသည့် ညောင်နာနာ အသံဖြင့် ဗိန္ဒောဆရာက

"ဟေ့လူ တတ်သိပညာရှင် ဦးခင်မောင်ဆွေ ရေးတာဖတ်လိုက်ရလားဗျ ဧရာဝတီ သတင်းဆိုက်မှာ" ဟု မေးလိုက်တော့၏။
"ဘာဗျ ဓါတ်မီးပညာရှင် ရူးချင်ယောင် နေ ကွေးတာ ဖြတ်လိုက်ရလားဟုတ်လား " ဟု ဆတ်ကနဲပြန်မေးလိုက်မိ၏။
" ဟာ ခင်ဗျား တော်တော် ခေတ်ကြီးနဲ့ ကင်းကွာနေပြီပဲဗျ ဧရာဝတီမှာလေဗျာ ဧရာဝတီမှာ" ဟု အလောတကြီး ပင် ငတိက ပြောရင်း လူကိုပင်ဖမ်းသန်းရှာတော့မည့်လက်ပေါက်ဖြင့် ပြောလာသည်မှာ
ကျွန်ုပ်၏ အိမ်ဘေး မှ ကွမ်းယာသည် ချိုချိုပေါ်မသိမ်း တို့ တသိုက်၏ အထာနှင့်ပင် ထူသေးတော့၏။
"ဟ ဧရာဝတီမှာတော့ ဒိုက်ပုံ ရယ် တုံကင်းပေါ်က ပါသွားတဲ့ အီးတုံးရယ် သဗ္ဗ္ဗာန်သမားငေါ့ပန်းထားတဲ့ သေးရယ် ပဲရှိမှာပေါ့ဗျ ကျုပ်က ဘာလို့ သွားရမတုန်း" ဟုပြန်မေးလိုက်၏။
အမှန်တော့ ကျွန်ုပ်လဲ ခေတ်ကြီးနှင့် ထိုမျှလောက်မကင်းကွာပါ။

ထိုင်းနိုင်ငံအခြေစိုက် သုတေသနအဖွဲ့ဖြစ်သော လဥ အဖွဲ့ မှ စော်ပြူး တို့ နှင့်တကွ ရှိုစရာ၏ လင်တော်မောင် ကြောင် ကွိုင် ဘူး တို့ အပါအ၀င်၏ ဂွင်ရိုက်ဖင်နှိုက်သော လုပ်ရပ်များဖြစ်သည့် မြန်မာပြည်တွင်းမှ ကလေးများအား ခေါ်ထုတ် ကာ

သင်တန်းပေါင်းစုံပေးလျှက် ကလေးများအား မ၀ရေစာ
နေ့ စဉ်အသုံးစားရိတ်လေး ထုတ်ပေး၍ အခန်းထဲလှောင်ပိတ်ပြီး၂၀၀၈ အခြေခံဥပဒေ ကို မထိရေး ၊ ရွေးကောက်ပွဲနှင့်ပါတ်သက်၍ Negative ဖြစ်မည့် မွေးခန်းများအား အိမ်သာဗျူးရာတွင် မဗျူးရေး တို့ ကအစ ကြက်တူရွေး စာအံသလို သင်ပေးနေသည်ကို

မသိ၍ မဟုတ် သိပေ၏။

ဆိုရေးရှိက ဆိုအပ်လှ၏ ဟု ကျွန်ုပ်မမှတ်မိသော ပညာရှိတဦးက ပြောခဲ့သည်ကို ကြားဖူး နားဝရှိထားပေသဖြင့် ဆိုရပါတော့ လအံ့။
ရွေးကောက်ပွဲ နှင့်ပါတ်သက်၍ ဦးသုဝေ တို့  ပြည်တွင်းမှအပြင်ထွက်လာသည်။ မြန်မာ့ အတင်း သတ်မကွ မှ ဖိတ်ကြားကာ ထိပ်ထား မဟာ မမကဲ့သို့  အပြတ်ဆင်ယင်ပေးလျှက် CNN မှ မစ္စတာ ရို့ စ်တို့  ထက် ပိုမို စမတ်ကျလှသော ဆရာ စိန်ဝင်းဆိုသည့်

မတ်စိမ ဆိုသည့် သတင်း ဆိုက်မှ ကိုယ်တော် ချောကလဲ ရေလာမြောင်းပေးလက်ဝါးရိုက်မေးသွား၏။ ဦးသုဝေ ဘာဆိုတာကို ဦးသုဝေ ကောင်းကောင်းသိပါသည်။ ထို့ အတူ ဦးခင်မောင်ဆွေ ဘာဆိုသည်ကို ဦးခင်မောင်ဆွေ သိပါသလား ။
ဒီကိစ္စနှင့်ပါတ်သက်လို့ ...."အသိဘူး အသိဘူး တားတား ဘား မှ အတိဘူး " ဆိုပြီး ကြက်တောင်စည်းစည်းကာ ခေါင်းခါခါလည်ခါ ခါဖြင့် ခါးတောင်းကျိုက် ၊ သနပ်ခါးပါးကွက်ကြား မျက်နှာနှင့် တော့ မဖြေလိုက်ပါနှင့် ။ ခင်ဗျားတို့ ဓါတ်မီးပညာရှင်တွေ အဖွဲ့ ကို

အထင်နည်းနည်းလေးကြီးခဲ့ဖူးသဖြင့် မိမိ၏ ညံ့ဖျင်းမှုကိုအပြစ်တင်နေသော ကျွန်ုပ်အတွက် မသက်သာလွန်းလှသဖြင့် ဖြစ်ပါတော့၏။ တကယ်တော့ ဦးခင်မောင်ဆွေ အောင်နိုင်ဦး တို့ နှင့် အခြားအခြား သော ဓါတ်မီးပညာရှင်များ လေလည်သူများ သိထားဖို

့လိုသည်မှာ Compromise လုပ်သည်ဆိုသည့် ကိစ္စသည် give in လုပ်ခြင်းမဟုတ် အမျိုးသားသွေးစည်းညီညွတ်ရေး ၊ ခေတ်မှီပြီး ငြိမ်းချမ်းကြွယ်ဝ သာယာဝပြောထွန်းကားသော နိုင်ငံတော် တစ်ခုဖြစ်ရေး ၊ ပြည်ထောင်စုမပြိုကွဲရေး ဆိုသည့် အနှစ်သာရများကို

တကယ်လိုလားပါလျှင် သက်ဆိုင်ရာ အင်အားစုများ တစ်ဖက်ပေါ်တစ်ဖက် အနိုင်မယူ အထက်ဆီးမှ ဓါးမမိုးပဲ အေးအေးသက်သာ တိုင်းပြည်အကျိုး လူထုအကျိုး တစ်ခုတည်း ဦးထိပ်ထားကာ ဆွေးနွေးနိုင်ပါသည် သို့ မဟုတ်ပေလည်း ခေါင်းချင်းဆိုင်ကာ
ခြေကန်ဝှေ့ နိုင်ကြပါသည်။

ကျွန်ုပ်သည် မည်သည့်အခါကမျှ အမျိုးသား ဒီမိုကရေစီအဖွဲ့ ချုပ်ကို အားကိုးအထင်ကြီးခဲ့ဖူးသည့် ၀က်သားတုတ်ထိုးသည်မဟုတ်ပါ။ အမဲအူပြုတ်ရောင်းရင်း မိမိ၏ လှီးရမည့် ကြက်သွန်မြိတ်ကို စဉ့်နှီတုံးပေါ်တင်ကာအဘိဓမ္မာဖြင့် ကျကျ နန လှီးရင်း
နေစောင်းလျှင် အဖြူလေး တစ်စိတ်လောက်ဆွဲရန်သာ မူ ကျကျ တွေးတော နေတတ်သော ပေါ်လစီကိုအာမခံ သည့် ပညာရှင် တစ်ဦးဖြစ်ပါသည်။

ခင်ဗျားတို့ လွှတ်တော်ထဲက လုပ်တာ ကျွန်ုပ်အနေဖြင့် မြင်လိုလှပါသည်။ အင်မတန် ကိုယ့်ကိုယ်ကိုယ် ယုံကြည်မှု ဒင်ပြည့်ကျပ်ပြည့်ဖြင့် ငတိ တွေပါလား ဟုတော့ ကျွန်ုပ်က မှတ်ချက်မပေးပါ။ ပြည်သူလူထု တရပ်လုံးက ဘောင်းဘီချွတ်တွေကို မဲ မပေးဘူးဟု
သင်တို့ အပိုင်တွက် သည်ဆိုလျှင် ၂၀၀၈ အခြေခံ ဥပဒေကို လေးရာ့တစ်အား လက်မှတ်ထိုးထွက်လာသော သူ လို ဟုတ်ပါဘူး နောက်အလုပ်ရဘူး ပြောတာ ပါ တား က ဒါနဲ့ပဲ လက်မှတ်ထိုး လိုက်တာ ဟု မိမိကိုယ်မိမိနှင့် ပြည်သူလူထုကို ဆက်၍

အတည်ပေါက်နှင့် ညာကြမည်ဆိုလျှင်တော့ ................................ဟွန့် ဘိုကျီး ဘောင်းဘီချွတ်..... လွှတ်တော်ထဲမှာ လုပ်မယ် လွှတ်တော်ထဲ မှာလုပ်မယ် ....ဟု ဆိုသည်ကိုသာ စိတ်အာရုံဖြင့် ကြားနေမိပါတော့သည်။

တုတ်ကြီး တာဝတိံသာ

ဘာယဲ ဘယ်ယဲ နှင့် ရှားလိုက်တဲ့ဖြစ်ချင်း ကြွက်ပျင်းများသဖွယ်

Thursday, October 8, 2009

စိမ်းမှောင် အုံ့ ဆိုင်းနေသော သစ်ပင်တို့သည်ကား ယခုအခါ ရော်ရွက်ဝါတို့ ဖြင့် တချို့ စိမ်းဝါဖျော့တချို့ ၀ါလွင် ....ဤမှာဖက်ခြမ်းရှိ အကာသ လောကတခွင်သည်
လွမ်းမောဘွယ်ရာ ခပ်ပြေပြေဆေးသားဖြင့် ရေးချယ်ထားသော ဆောင်းဦးပန်းချီကားချပ်ပမာ...........။

အဲသလို အဖွင့်ကလေးနဲ့ ရာသီဥတုပြောင်းလဲလာပုံကို ရေးမည်ဟု စိတ်ကူးပြီး ရေးလက်စကို ခဏချကာ ကော်ဖီအိုးကလေးတစ်အိုးပြေးတည်လိုက်၏။
ထို့နောက် ငွေတောင်ဆေးပေါ့လိပ် ဖင်ပွပွလေးကို ထင်းရူးသေတ္တာလေးပေါ်တွင် တတောက်တောက် ဖမ်း ဆောင့်လိုက်ပြီး ကွန်ပြူတာအစုတ်ကလေး
ဖြင့် ဂူးဂယ်လ် စာမျက်နှာကိုဖွင့်လိုက်မိ၏။

ဘာရယ်မဟုတ် သတင်းလေးများတက်ဖတ်၊ ကာတွန်းလေးများ တက်ဖတ်၊ ဘာဝနာပွားစရာကလေးများတက်ရှာနှင့် အင်မတန်တော့ လောကဓါတ်ထွန်းကားမှု
အကျိုးက များလှပေ၏။

ဂူးဂယ်လ်တွင် မြန်မာ စာဖြင့်ရေးသားထားသော တရား နှင့်စပ်ဆိုင်သည့် စာစုကလေးများ ရှာကြည့်လျှင်တော့ ငြိမ်းချမ်းပေစွ ဟု သဘောတော်ရှိ အာရုံရသည့်အတိုင်း ဝေဒနာဆိုသည့် စကားလုံးကို ရိုက်ရန် သဝေထိုး အားစတင်၍ ရိုက်လိုက်မိသည့်သကာလ........... မြတ်စွာဖြား......
ကျွန်ုပ်၏ စက္ကုအာရုံကိုပင် သံသယဖြစ်မိလောက်အောင် ပေါ်လာသော စကားလုံးများ က ဖျားဖွယ်လိလိ...။
သို့နှင့် ကဲလေ ဥပေက္ခာပြုမှဖြစ်မပေါ့... ဟု ကိုယ့်ကိုယ်ကိုယ် ဆုံးမကာ ဝေဒနာကိုရိုက်ကာ ဟိုဟိုသည်သည် ကောင်းနိုးရာရာ ဓမ္မနှင့်စပ်ဆိုင်သည့်
အင်တာနက်စာမျက်နှာကလေးများကိုလည်ပတ်လိုက်မိ၏။

ထို့ နောက် လူမှုရေး ဆိုင်ရာ ဆိုသည့် စကားလုံးကို ရှာလိုသည့်စိတ်ဖြင့် လ ဆိုသည့် အက္ခရာကို ရိုက်လိုက်မိတော့ ... အိုး မိုင် ဂေါတောပလ္လင်...
ဘူးဘုရား...အာနန္ဒာ....။

ကျွန်ုပ်တို့ လူမျိုးများ ထိုကဲ့သို့ တက်ကြွစွာ ရှာဖွေ ထားကြသည့်စကားလုံးများပါပေတကား..။
သိလိုလျှင် ကျွန်ုပ် ပြောသည့် သဝေထိုး နှင့် လ ဆို သော အက္ခရာကို တလုံးချင်း တခါချင်း ရိုက်ရှာကြည့်လိုက်လျှင် ဂူး ဂယ်လ်မှ အကြံပြုသောစကားလုံးများကို
ဝက်တုတ်ကွေး တန်းဖြစ်ချင်စဖွယ် မြင်ရမည်ဖြစ်ပေ၏။

ကဲပါလေ.... ပုထုဇဉ်တွေပဲပေကိုး ဟု သဘောထားလျှက်၊ မိမိတို့မြန်မာစကားလုံးများကို တလုံးချင်း လိုက်ရိုက်လိုက်မိကာ ရေးလိုသည့် စကားပြေလိုလို
ဝတ္ထုလိုလို အစပျိုးမှုကလေးအား ဘေးချိတ်ကာ ဟိုဟိုသည်သည်ရှာမိရာက ဘာလဲ ဆိုသည့်စကားလုံးဆီသို့ရောက်သွားတော့၏။
နေရာပေါင်း ငါးသောင်းငါးထောင် တွင် ဘာလဲ ဟူသော စကားလုံးတွေ့ ရ၏။ ထို့ နောက် ဘာလဲ နောက်တွင် ပုဒ်ပိုဒ် တစ်ချောင်းခံကာ ဘယ်လဲ ထပ်ထည့်ပြီး
ရှာကြည့်လိုက်မိ၏။ ထိုအခါ နေရာပေါင်း တစ်သောင်းနှစ်ထောင့်နှစ်ရာ ရှိသော ဘာလဲ၊ ဘယ်လဲ ကြီးများ ပေါ်လာလေတော့၏။ထို့ အတူ ဘယ်လဲ ၊ ဘာလဲ ဆိုသည့်စကားစုကလည်း တစ်သောင်းနှစ်ထောင့် နှစ်ရာအတိ ဖြစ်ပြန်ပေ၏။

ပထမဆုံး မြင်ရာ ဆယ်ခု က ၊ ကိုဟ၀ှာ ဘာလဲ ၊ ဘယ်လဲ ။
မဟိုဒင်း ဘာလဲ၊ ဘယ်လဲ ၊ ဟိုဒင်းဟိုဟာ ဘာလဲ၊ဘယ်လဲ စသည်ဖြင့် ....ဘာလဲ ဘယ်လဲ ပါဝင်သော ခေါင်းစဉ်များ ဖြစ်ပေ၏။

ဒီတော့ ကျွန်ုပ်ငယ်ငယ်က အဘိုးဖြစ်သူ၏ ဓမ္မမိတ်ဆွေ လူ့ ဂွစာ အဘိုးကြီးများက တရားဆွေးနွေးမှုပြုသော ညခင်း ကင်းတဲ ပေါ်တွင် တောင်ဝှေးသိုင်း ကွက်ဖြင့် အဘိဓမ္မာကို လေးနက်သွေးထွက်စေသောကိစ္စအားပြန်သတိရမိ၏။

ဦးလှ နဲ့ ဦး ၀ ဆိုကြပါစို့...။
ဦးဝက အလောင်းဘုရား မဟုတ်သော်လည်း မုဆိုးဖို ဖြစ်နေသည်မှာ နှစ်ပေါင်းများစွာကြာလှပြီဖြစ်၏။

ဆောင်းည ပိုင်းများရောက်လျှင် ကျွန်ုပ်တို့ ရပ်ကွက်ကင်းတဲ တဖြစ်လဲ ဆွမ်းချက်ဇရပ် ကြီးပေါ်တွင် လူစည်ကားပေ၏။
ရပ်ကွက်တွင်းရှိ သက်ကြီးဝါကြီးများက ညရှစ်နာရီမှ ဆယ်နာရီ ၀န်းကျင်အထိ ရေဒီယိုကလေးနားထောင် လျှက် စကားပြောကြ ၊ ဆွေးနွေးကြ မြဲဖြစ်၏။

ထိုညက ဦးလှ က ဗုဒ္ဓ၀ါဒ ဆိုင်ရာပုံတိုပါတ်စများ ကို ကျွန်ုပ်တို့  လူမမယ်များအား ဟောပြော ပို့ ချနေ၏။ ဦးဝ ကတော့ ထုံးစံအတိုင်း ရေနွေးအိုးမီးထိုးကာ မီးဖိုဘေး မှ ကုက္ကို ပင်အမြစ်ကြီးပေါ်တွင် တောင်ဝှေးကိုလက်နှစ်ဖြင့်ထောက်လျှက် ထိုင်နေ၏။

ပုံပြင်ကလေးကတော့ ရဟန်းတပါးက ခရီးသွား တဦးကိုတွေ့ ရာတွင်မေးသော ပုံပြင်ဖြစ်ပေ၏။ သိပ်တော့ မမှတ်မိတော့။
ထိုပုံပြင်အရ ရဟန်းက ခရီးသွားအားမေး၏ ။ ကျွန်ုပ်တို့ ခေတ်စကားဖြင့် လွယ်လွယ်ပြန်ပြောရလျှင်ဖြင့် ကား...

'ဟဲ့ ဒကာ နင် ဘယ်က လာ လဲ' ဟု ရဟန်းကမေး၏။
'ဘယ် ကလာမှန်းမသိပါဖြား' ဟု ဒကာကဖြေ၏။
ထိုအခါ ရဟန်းက ဆက်မေးပြန်၏ ။ 'ဒါဆို နင် ဘယ်ဒိုး မတုန်း '
'ဘယ်ညောင်းရမှန်းမသိကြောင်းပါဖြာ့' ဟု ဒကာကပြန်ဖြေ၏။
ဤတွင် သံသရာ ကိစ္စကို ဦးလှ ကအကျယ်တ၀င့်ရှင်းပြ၏။ ထို သို့ ရှင်းပြချိန်တွင် ရေဒီယိုကို စူးစူးစိုက်စိုက်နားထောင်နေသော ဦးဝ တယောက် မျက်စောင်းတထိုးထိုးဖြင့် ဦးလှ ကိုကြည့်နေသည်ကို မီးတောက် မီးရောင်တို့ ၏ အလင်းဖြင့် မြင်နေရ၏။

ဦးလှ က ကျွန်ုပ်တို့ အား ရှင်းလင်း ဆုံးမပြီးသည်နှင့် တပြိုင်နက်ထဲ ဦးဝ ကို ကြည့်ကာ လေသံမြှင့်၍ 'ဟေ့ င ၀ မင်း ဘယ်ကလာတုန်းကွ ' ဟု ခပ် သောသော မေးလိုက်၏။
ဦးဝက မဖြေချင့်ဖြေချင်ဖြင့် ဦးလှကို စိတ်ပျက် သော မျက်နှာပေးဖြင့်ကြည့်ပြီး 'အမေ့ ဗိုက်ထဲကဟေ့ အဖေ လည်နေကျလမ်းကြောင်းက နေ ခုန်ဆင်းလာတာ' ဟု ဖြေလိုက်၏။
ကျွန်ုပ်တို့  တသိုက်လည်း သိပ်နားမလည်သော်ငြား ဦး ၀ ၏ ဘုဆတ်ဆတ် ဖြေလိုက်ပုံနှင့် မျက်နှာပေးကြောင့် လိုက်ရယ်မိ၏။
ဦးလှက ဒီတွင် မရပ်သေး 'ဒါဆို နင် ဘယ်သွားမတုန်း' ဟု ဆက်မေးပြန်သေး၏။ ဤ တွင် ဦးလှ ကို ဦးဝကကြည့်ကာ ခပ်တင်းတင်း ပင် 'မင်းနှမ ဆီးသွားရာလမ်းကြောင်းကို ချောင်းပေါက်အောင်သွားပြီးရင် တော့ သချိုင်္င်းကုန်း က ဂိတ်ဆုံးဟေ့ ' ဟု ဖြေလိုက်သောအခါ
ပြုံးပြုံး ပြုံးပြုံးဖြင့် ဓမ္မကထိက လုပ်နေသော ဦးလှသည် မပြောမဆို ခုံဖိနပ် ကုန်းကောက်ကာ ဦးဝ၏ ပြောင်နေသော ထိပ်ကို ထုပါတော့၏။

ထိုညက ဦးလှရော ဦးဝ ပါ ထိပ်ကွဲ ခေါင်းပေါက်ဖြစ်ကာ တရား ဘာဝနာ ဆွေးနွေးပွဲလဲ လအတန်ကြာ ဆိတ်သုန်းသွားခဲ့တော့၏။
ကျွန်ုပ်တို့ ထက်အသက်ကြီးသော ကာလသားများက ထိုအချိန်မှစ၍ ဂစ်တာ တဒေါင်ဒေါင်ဖြင့် စောစောစီးစီး ကင်းတဲ ကို မောင် ပိုင်စီးခွင့်ရတော့၏။

ခုလည်း သတင်းဌာနအမျိုးမျိုး လူပုဂ္ဂိုလ် အထွေထွေတို့ ရေးသားသော ထို ဘာလဲ ဘယ်လဲ နှင့် ဆုံးသည့် ခေါင်းစဉ် များ ကို လိုက်ဖတ်ကြည့်ရင်း ဦးလှ အား ဦးဝ ဖြေသလို အဖြေမျိုးကို သံခမောက်ဆောင်းကာ ..မမေးပဲ ဖြေချင်စိတ်ဖြစ်လာမိပါတော့၏။ တကယ်တော့ ကျွန်ုပ်တို့ လူမျိုးများ ၏ ရှားပါးမှု ကား ပြောဖွယ်မရှိတော့ပေတကားဟု ပင် ဖြေတွေးတွေးရမည်အံ့ထင်၏။

တုတ်ကြီး တာဝတိံသာ

ဖြောင့်ညာညာ တဲ့ ဖြာ့ညောင်ညောင်

Monday, August 17, 2009

ကိုဂျင်ဝက်ဟာ စစ်သားတစ်ယောက်ဖြစ်ပါတယ်။
ဗီယက်နမ်စစ်ပွဲမှာ အရာရှိ ငယ် တစ်ယောက်အနေနဲ့ အမှတ် ၅ မရိန်းတပ်ရင်းမှာ တာဝန်ကျခဲ့သူဖြစ်ပါတယ်။ အမေရိကန်တိုက်ခဲ့တဲ့စစ်ပွဲတွေ တော်တော်များများရဲ့ ထုံးစံအတိုင်း ဗီယက်နမ်ကို ၀င်တိုက်ခဲ့တာလဲတရားသောစစ်ပွဲမဟုတ်ခဲ့ပါဘူး။

မတရားသောစစ်ပွဲမှာ ရွတ်ရွတ်ချွံချွံတိုက်ခဲ့တယ်လို့ ယူ ဆရတဲ့စစ်သားတယောက်တော့ဖြစ်သလို သူ ရ ထားတဲ့ စစ်ပွဲနဲ့ဆိုင်တဲ့ သူရဲကောင်း တံဆိပ်တွေကမနည်းဘူး။

ပြီးတော့ သူဟာ အမေရိကန်ရေတပ်မတော်မှာ Secretary of Navy အဖြစ်လဲ တာဝန်ထမ်းဆောင်ခဲ့ဖူးသူဖြစ်သလို စာအုပ်တွေ တော်တော်များများလည်း
ရေးခဲ့သူပဲ။အမေရိကားမှာ သူ့ ဟာနဲ့ သူတော့ အဆင့်နေရာတစ်ခု ကြွယ်ဝမှု တစ်ခု နဲ့ အလုပ်ဖြစ်နေတဲ့သူတယောက်ဖြစ်ပြန်သလို လူရိုသေရှင်ရိုသေထဲက တယောက်လဲဖြစ်ပါတယ် ။
သူ့ ရဲ့ ဇနီးအားလုံးဟာ သူ့ အဆင့်နေရာနဲ့သူ လူရိုသေရှင်ရိုသေတွေဖြစ်ပါတယ။် နောက်ဆုံး တတိယဇနီးဖြစ်တဲ့ ဗီယက်နမ် လူမျိုး ဇနီးကအစပေါ့။လေးစားဖွယ် ဂုဏ်ပုဒ်တွေနဲ့လူတယောက်ပါ။

သို့သော် သူ မြန်မာနိုင်ငံကိုသွားခဲ့တာရဲ့နောက်ပိုင်း သတင်းစာရှင်းလင်းပွဲက သူ့ စကားတွေကိုပြန်ကြည့်ကြရအောင်လား ။

"With respect to Aung San Suu Kyi, I don't want to take the risk of misrepresenting her views but I would say to you it was my clear impression

from her that she is not opposed to lifting some sanctions," Webb said.
"I can say it was my impression from listening to her in the conversation that there were some areas that she would be willing to look at," he told reporters in Bangkok.

အထက်ပါအတိုင်း ကိုဂျင်ဝက် က ပြောခဲ့တယ်။

ဒေါ်အောင်ဆန်းစုကြည် နှုတ်က ထုတ်ပြောခဲ့တဲ့ စကားမဟုတ်တဲ့  သူ့ ရဲ့ ဆန္ဒစွဲနဲ့ သူလိုရာလမ်းကို ကမ္ဘာ့နိုင်ငံအသီးသီးနဲ့ သူ့ အမေရိကန် အစိုးရ လိုက်လာနိုင်အောင် ခင်းတဲ့ခြေခင်း ဖြစ်ပါတယ်။
ပိတ်ဆို့ ရေးတွေ ဖွင့်ဖို့ မဖွင့်ဖို့ ကို အကြောင်းအရာတစ်ခုအနေနဲ့ အလေးအနက်ထားပြီးကျုပ်မဆွေးနွေးပါဘူး။

ဒီနေရာမှာ ဆွေးနွေးချင်တာ အလေးအနက် ပြောချင်တာတချက်ပဲရှိပါတယ်။
နအဖ ကို မလိုလားသူတွေရဲ့ အမေရိကန် ကို အားကိုးမှု၊ အမေရိကန်အစိုးရသာ အာနိုးကြီးကို မျက်နှာအိုးမဲသုတ် စက်သေနတ်ကြီးလွယ်ခိုင်းပြီး မုဒိန်းတပ်ဖွဲ့ နဲ့  မိုးကျရွှေကိုယ်တွေလို လေထီးနဲ့ခုန်ချ နောက်တော့ ဘကြီး သန်း ကို ၀င်ဖမ်းရင်ဖြင့်ဘယ်လို...ရော့ကက်ကြီးနဲ့ ပျဉ်းမနားကိုလှမ်းပစ်လိုက်ရင်တော့ ဘယ့်နှယ်
အဲသလို အဲသလို စိတ်ကူးတွေယဉ်ကြတဲ့ လူတွေကတမျိုး ၊ အဲသလို တွေမလုပ်ပေးနိုင်ဘူးသိပေမယ့် နှစ်စဉ် အမေရိကန် က ချပေးတဲ့ ရံပုံငွေနဲ့ အလုပ်ဖြစ်နေတဲ့ ဆရာတွေက တဖုံ ပေါ့။

ခုတော့မြင်ကွင်းက ရှင်း သွားသလောက်ရှိပါပြီ ကိုဂျင်ဝက်ဆိုတာ အမေရိကန် အစိုးရရဲ့ တကယ့် စီနီယာ ကြီးတယောက်ပါ ။ အဲသလို စီနီယာ တယောက်က စကားပရိယာယ်နဲ့ ဒေါ်အောင်ဆန်းစုကြည် တကယ်ပြောဆိုခဲ့တာတွေ မဟုတ်ပဲ သူ ခံစားလိုက်မိတယ် အာရုံရလိုက်ပါတယ် လို့ လူလည်ကျပြီး နအဖ
နဲ့အကွက်ပေါင်းရွှေ့ ဖို့ လုပ်တဲ့ လုပ်ရပ်ကို ကြည့်ချင်းဖြင့် မရိုးသားတဲ့ ခြေကွက်တွေနဲ့ ယခု အိုဘားမား ရုံးအဖွဲ့ က မြန်မာ့နိုင်ငံရေးကွင်းမှာ ၀င်ကစားတော့မှာ သိပ်မြင်သာထင်သာလာပါတယ်။ ဒါပေမယ့် ဘယ်လောက်ထိ ကစားမှာလဲ ဘယ်အတိုင်းအတာအထိ ၀င်လာမှာလဲဆိုတာကတော့ နအဖ ဖက်က ဘာတွေ ပြန်ရွှေ့ ပေးမလဲ ဆိုတဲ့အကွက်အပေါ်မှာ အများကြီးမူတည်နေပါတယ်။

ဒေါ်အောင်ဆန်းစုကြည်အနေနဲ့ အမျိုးသားပြန်လည်သင့်မြတ်ရေးကို ပုံစံကျတဲ့ စစ်မှန်တဲ့  လမ်းကြောင်းပေါ်ကစတင်ဖို့ အမြဲ ကမ်းလှမ်း ပြီး ဖွင့်ထားပေးတဲ့ သူပါ ။

သို့ သော် အဲဒီလို အမျိုးသားပြန်လည်သင့်မြတ်ရေး တံခါးကိုဖွင့်ထား ပေးတဲ့ အမျိုးသားခေါင်းဆောင် တယောက်၊ အနိုင်ရ ပါတီကခေါင်းဆောင်တယောက်ကို ခုလို ဖမ်းဆီးချုပ်နှောင်ဆဲ ဖြစ်နေတာကိုလဲ ကိုဂျင်ဝက်မြင်လျှက်သိလျှက် ဖြစ်ပါတယ်။ ယုံကြည်ချက်ကြောင့်အကျဉ်းကျရသူတွေထောင်ပေါင်းများစွာ
အကျဉ်းစခန်းတွေမှာရှိနေတာကိုလဲသိပါတယ်။ ၂၀၀၇မှာ သံဃာတွေကို အရှင်လတ်လတ်ပစ်သတ်၊ ခေါင်းရိုက်ခွဲ ၊ ဆွဲထိုး ၊ ခြေထောက်နဲ့  ဆောင့်ကန်လုပ်ခဲ့တာတွေကိုလဲသိပါတယ်။ ၂၀၀၈ ဖွဲ့ စည်းပုံ အတုအယောင်ကို အဓမ္မ လိမ်ညာပြီးလုပ်ခဲ့တာကိုလဲ သိပါတယ်။ အားလုံးကို သူ့ ဟာနဲ့ သူ သိပြီးသားဖြစ်သလို သူ မသွားခင်ကတည်းကလည်း CIA က Briefing ပေးပြီးသားဖြစ်ပါတယ်။

အမေရိကန် အားကိုးတဲ့ စိတ်ကူးယဉ်အိပ်ရာထဲက ဖိတ်စာအပြဲစနဲ့လူတွေအတွက်ကတော့ အထက်ကဆွေးနွေးချက်အတိုင်း ကို ဂျင် ၀က် ဟာ ဘာဆိုတဲ့ ရုပ်လုံးကို မြင်ကြမှာပါ။ ဒီတော့ ကိုယ့်အားကိုယ်ကိုးဖို့ အချိန်တန်ပြီ။ အမေရိကန်လဲ သူ့ အကျိုးစီးပွားအတွက် ပဲ ကြည့်တယ်။

တရုတ်လဲ သူ့ အကျိုးစီးပွားအတွက်ပဲကြည့်တယ်။ ကျန်နိုင်ငံတွေလဲ အလားတူပါပဲ။ သူတို့ အကျိုးစီးပွားအတွက် ကိုယ့်နိုင်ငံကိုယ့်လူမျိုးဆီက ရသမျှ ကို နှုတ်ယူ ထုတ်ယူသွားမှာတွေချည်ပါပဲ။ ဒီတော့ မမျှော်နဲ့ ။ ကိုယ်လုပ်စရာရှိတာကို ပြတ်ပြတ်သားသား ပဲ မမှိတ်မသုန် လုပ်ကြသင့်ပြီလို့ ပဲသတိပေးချင်ပါတယ်။

တုတ်ကြီး တာဝတိံသာ

ယဉ်ယဉ်လေး ပြော ရမယ် ဆိုရင်တော့ ဗျာ ဟောဒီမှာ .....ကလေးမဟုတ် အတွေးရှုပ်တော့

Sunday, August 16, 2009

ဘာကြောင့် Jim Webb လာသလဲ

အမေရိကန်ဟာ အမေရိကန်အကျိုးစီးပွားအတွက်လာတာဖြစ်သလိုနအဖဟာ လဲ နအဖအကျိုးစီးပွားအတွက် ဖိတ်လိုက်တာဖြစ်တယ်။
အဲဒီ ဖိတ်ကြားမှုရဲ့ ဟန်ပြကတော့ ဒေါ်အောင်ဆန်းစုကြည်ကိုလွှတ်ပေးဖို့ ပြောဆို ဖိအားပေးဖို့ လာသလိုလို မြန်မာနိုင်ငံရဲ့ လတ်တလော အမျိုးသားပြသနာကြီးဖြစ်တဲ့ ၂၀၁၀ အကြို ကိစ္စတွေကို ရှင်းဖို့လာသလိုလိုဖြစ်ပုံရပေမယ့် တကယ်တန်းပြန်ကြည့်ပါ။
တချို့ တို့ တွေ အိုဘားမားအရွေးခံရတုန်းက တကြိမ် ၀မ်းသာမျှော်လင့်ကြဖူးတယ်။ ခု Jim လာတော့တစ်ခါ မျှော်လင့်ကြတယ်။

သူမြန်မာပြည်ကို သွားတာရဲ့ root cause နဲ့ Intention က ဘာလဲ စဉ်းစားကြည့်ကြပါစို့။
သူဟာ နအဖ နိုင်ငံခြားရေးဝန်ကြီးရဲ့ ဖိတ်ကြားမှုနဲ့ လာတာဖြစ်တယ်။သူ့ကို တွေ့ ကြသူတွေက နအဖရဲ့
key players တွေအကုန်ဖြစ်တယ်။

ကျုပ်တို့ ဘကြီး ဦးသန်းရွှေကြီးကိုယ်တိုင်ထွက်လာပြီး ဟေ့ ဟောဒါကတော့ ရွှေ မန်း ဟောဒါကတော့ မောင်အေး ဟောဒါကတော့ ကျော်ဆန်း အဲသလို တယောက်ချင်းကို ရှေ့ က လက်ဟန်ခြေဟန်နဲ့ မိတ်ဆက်ပေးပြီးတွေ့ တာဖြစ်တယ်။
ဝမ်းပမ်းတသာ ပြုံးပြုံးကြီးကိုဖြစ်တယ်။ အိုဘားမားဆိုတာဟာလဲ street politics ကို ကျေညက်တဲ့သူဖြစ်တယ်။ ဇိမ်ခေါင်းနဲ့တွေ့ ရင် အောက်ဈေးနဲ့ ညှိနိုင်သူဖြစ်တယ်။ လူမိုက်နဲ့တွေ့ ရင် တပည့်မွေးနိုင်သူဖြစ်တယ်။ သူတကယ်မလုပ်နိုင်တာတွေ ကတော့ သူ ပြောခဲ့သလိုဖြစ်တယ်။

ကမ္ဘာ့ အစဉ်အလာ ပြောင်းလဲလာမှု

သူ့ အကျိုးစီးပွားအတွက် သူ၊ သူ့ မိသားစု၊ သူ့ အသားအရောင်၊ သူ့  ပါတီ ၊ သူ့ နိုင်ငံအတွက် သူဟာ ရေကုန်ရေခမ်းစွတ်တင်ပြီး သမိုင်းလှအောင် လုပ်မယ့်သူဖြစ်တယ် (ဆိုလိုတာ ပထမဆုံးအမဲသမ္မတ ဖြစ်တဲ့ သူနဲ့
သူတို့ အမေရိကန်ရဲ့ အထွေထွေသမိုင်းနော်)။ ခု ကမ္ဘာ့ ခေါင်းဆောင်နိုင်ငံကြီးတွေရဲ့ လှုပ်ရှားပြောင်းလဲမှုတွေ ၊ အကွက်ရွှေ့ မှုတွေကို မျက်ခြေမပြတ်ရင် တွေးမိမှာပါ။ ကုလ က အထွေထွေအတွင်းရေးမှူး ဘန်ကီမွန်းဆိုတာလဲ နယူးယောက် မှာရှိတဲ့ ကုလ ဌာနချုပ် စားသောက်ဆိုင်တန်း က ဆူရှီသည်လောက်တောင်
သြဇာရှိတာမဟုတ်ဘူး။အဲသလိုပြောလိုက်လို့  ဘန်ကီမွန်း ကို ခေါင်းမှာ ဂျပန်စာရေးထားတဲ့အ၀တ်ဖြူကြီးစည်းလို့  ဆူရှီ လိပ်တဲ့  ဂျပန်ရိုးရာ တောသားတွေဝတ်တဲ့ ကီမိုနို တပိုင်းနဲ့  အေပရွန်ကြီး ချိတ်ပြီး ဓါးတလက်နဲ့စပ်ဖြဲဖြဲ ငါးလှီးနေတယ်လို့တော့မျက်စိထဲမမြင်လိုက်ပါနဲ့။

စကားကိုပြန်ဆက်ရရင် အမေရိကန် စတော့ခ် ဈေးကွက်ရဲ့ ကပြောင်းကပြန်ဖြစ်နေမှု မတည်ငြိမ်မှု ၊ ရွှေ အပါအ၀င် အဖိုးတန် သတ္တုဈေးနှုန်း ၊ လောင်စာဆီ ၊ လူသုံးကုန်ပစ္စည်း ၊ဘဏ်လုပ်ငန်း၊ အိမ်ခြံမြေ လုပ်ငန်းတွေရဲ့ sector တစ်ခုခြင်းကိုပြန်ကြည့်လိုက်ရင် အမေရိကန်ဟာ ကမ္ဘာ့အလည်မှာအထည်ကြီးပျက်ဖြစ်နေတာ
ဖြစ်တယ်။ အဲဒီ အထည်ကြီးပျက်ဘ၀ကနေ ငမွဲတွေ ကို ငွေတိုးချေး အပေါင်ခံ အမြတ်ယူတဲ့အလုပ်ကို ပါးပါးလေး ပြောင်းယူနေတဲ့ နိုင်ငံတနိုင်ငံဖြစ်တယ်။ သူ့ မှာ စစ်လက်နက်ပစ္စည်းနဲ့နည်းပညာဆိုင်ရာအရ နံပါတ်တစ်လို့ ကမ္ဘာမှာပြောလို့ ရပေမယ့် စီးပွားရေး၊ ကျန်းမာရေး ၊ လူမှုရေးဆိုင်ရာ factors တွေက ဥရောပ ဘုံအဖွဲ့
ရဲ့နောက်မှာဖြစ်တယ်။

တပြိုင်နက်တည်း တရုတ် နိုင်ငံ၊ အိန္ဒိယ နိုင်ငံ နဲ့ အာစီယံနိုင်ငံတွေရဲ့ အလုအယက် ထိုးတက်လာတဲ့ တိုးတက်မှုတွေ ကို လည်းသူမြင်နေရတယ်။ ဒီတော့ အမေရိကန် မှာရှိတဲ့ ဒီမိုကရက်တစ်ပါတီရဲ့ နိုင်ငံခြားရေးရာ နဲ့အတူ အမေရိကန် တောက်လျှောက်တင်လာတဲ့ လူ့ အခွင့်အရေးအလံကို မသိမသာ မိတ်ကပ် လိမ်းအရောင်ပြောင်းရတဲ့ဘ၀ကိုရောက်လာတယ်။
အာဖဂန် စစ်ပွဲဟာ အီရတ်စစ်ပွဲနဲ့ မတူပါဘူး ။ အီရတ်စစ်ပွဲဟာ သဲကန္တာရ ထဲမှာဖြစ်တဲ့မြေပြန့်စစ်ပွဲပါ။ အီရတ် ရဲ့ တပ်မတော်ဟောင်းဟာ လဲ အာဏာရှင်ရဲ့တပ်ဖြစ်ခဲ့တယ်။ ဒီတော့ အာဏာရှင်တွေရဲ့ စစ်တပ်တွေက တပ်သားတွေဟာ တိုင်းချစ်ပြည်ချစ်စိတ်မရှိတဲ့ စိတ်ဓါတ်ပျက် တပ်မတော်ဖြစ်လေတော့ အမေရိကန်ဟာ သူ့ရဲ့ FIREPOWER ကို ကောင်းကောင်း
အသုံးချပြီး ရက်ပိုင်းအတွင်း ဘက်ဂဒက်ကို ၀င်သိမ်းနိုင်ခဲ့တယ်။ လူ့ အခွင့်အရေး အလံကို အမြင့်ဆုံးလွှင့်ထားတဲ့အမေရိကန်ဟာ သုံ့ပန်းတွေကို လိင်စိတ္တဇဝေဒနာသည်ဆန်တဲ့ လုပ်ရပ်တွေနဲ့ အဆိုးဆုံးလူ့ အခွင့်အရေးချိုးဖောက်မှုတွေပြုလုပ်ခဲ့ပါတယ်။ အီရတ် ပြည်သူလူထု အသိဆုံးပါ ။ သို့ သော်အာဖဂန် ရဲ့ စိတ်ပိုင်းဆိုင်ရာအနေအထားနဲ့ အာဖဂန် လွတ်မြောက်ရေး
သမားတွေရဲ့ ရပ်တည်မှုက အီရတ်နဲ့မတူပါဘူး ။ ဒီတော့ အမေရိကန် တပ်မတော်ဟာ အာဖဂန် မှာ ခုထိ လက်နက် အင်အား နည်းပညာ အင်အားသာသော်လည်း နှာခေါင်းကျည်ပွေ့ တွေ့ နေတုန်းဖြစ်ပါတယ်။တပြိုင်နက်ထဲမှာ အီရတ်မှာ ပြန်ထကြွလာကြတဲ့ ဘာသာရေးအလံထူထားတဲ့  ခုခံတော်လှန်သူ အင်အားစုတွေဟာလဲ နေ့ စဉ်နဲ့အမျှ အားကောင်းလာသလို
နည်းဗျူဟာလည်းကြွယ်ဝလာတာတွေ့ ရပါတယ် ။ အမေရိကန်တပ်မတော် အီရတ်က အကုန်ပြန်ဆုတ်ပြီး လေးနှစ်အတွင်း ပြည်တွင်းစစ်ကြီးတခုထပ်ဖြစ်လာနိုင်ပါတယ်။ အာဖဂန် ပြသနာနဲ့ အီရတ်ပြသနာကို အမေရိကန် နိုင်ငံရဲ့ နိုင်ငံရေးပါတီကြီးနှစ်ခုလုံးကောင်းကောင်းသိပါတယ်။ သူတို့ သုံးခဲ့တဲ့ စစ်စားရိတ်တွေနဲ့ အမေရိကန်ဟာ အထည်ကြီးပျက်ဖြစ်လာရတာလဲ
တကြောင်းအပါအ၀င်ဖြစ်ပါတယ်။

တရုတ်၊ ကုလား ၊ အိုဘားမား နှင့် အမေရိကန် ပေါ်လစီ

ဒီတော့ အမေရိကန် က အိုဘားမားရုံးအဖွဲ့ ဟာ နအဖ နဲ့အင်မတန် ပတ်သက်စကားပြောချင်နေကြတာဖြစ်ပါတယ်။ မြန်မာ့သယံဇာတ နဲ့လူသားအရင်းအမြစ်ဟာ အမေရိကန်လိုနိုင်ငံအတွက် ကြီးကြီးကျယ်ကျယ်မက်လောက်စရာမရှိပေမယ့် ဒေသန္တရ ဆိုင်ရာ မဟာဗျူဟာမြောက်မှုကို ကမ္ဘာလုံးဆိုင်ရာ အခင်းအကျင်းတွေမှာ မြန်မာနိုင်ငံက ပိုင်ဆိုင်ထားပါတယ်။
ကမ္ဘာ့ရေပြင်ကြီးကို ပြိုင်ဖက်မရှိလွှမ်းမိုးထားနိုင်တဲ့အမေရိကန် ဟာ မြန်မာနိုင်ငံလို တိုင်းပြည်ကို မွေးစားလိုက်ခွင့်ရရင် သူ့ ရဲ့ အဆင့်နေရာနဲ့ သြဇာလွှမ်းမိုးမှုကို ပို ချဲ့ ထွင် နိုင်လာမှာဖြစ်သလို တရုတ်နဲ့အိန္ဒယ ကိုလည်း အချိန်မရွေး လှမ်းထောက်ထားလို့ ရတဲ့ အနေအထားဖြစ်ပါတယ်။
တဖက် က တရုတ်ဟာ ကွန်မြူနစ်ပျက် နိုင်ငံတနိုင်ငံဖြစ်ပါတယ်။ အမျိုးသားဆိုရှယ်လစ် လမ်းကိုသွားနေတဲ့ နိုင်ငံတနိုင်ငံဖြစ်ပါတယ်။ တရုတ်ကွန်မြူနစ်ပါတီဦးဆောင်တဲ့ လူရိုက် ၊ ထမိန်ရုပ်၊ ဇိမ်ခန်းထောင်၊ လူမိုက်မွေး ၊ ပစ္စည်းသိမ်း၊ လောင်းကစားရုံထောင် တဲ့ မဟာဗျူဟာကြီးတွေနဲ့ စစ်အာဏာရှင်နိုင်ငံငယ်လေးတွေမှာ အလကားမတ်တင်းနဲ့ သွေးစုတ်နေတဲ့
တရုတ် နိုင်ငံဖြစ်ပါတယ်။

တရုတ်ဖက်က ပြန်မေးစရာတွေရှိလာပါလိမ့်မယ် ။ ဒါဆို တခြား ထိုင်းတို့ အိန္ဒိယတို့ က ၀င် ပြီးအမြတ်ထုတ်တာကျတော့ အိုကေတယ်ပေါ့ ဟ လား.... ဟု မေးလာနိုင်ပါတယ်။ မအိုကေပါဘူး .....။ သို့ သော် ကွန်မြူနစ် အလံ ထူထားတဲ့ တော်လှန်တဲ့ ပါတီတရပ် ဦးဆောင်နေတယ်ဆိုတဲ့နိုင်ငံဟာတော့ အဲသလောက် အောက်တန်းမကျသင့်ပါဘူးဆိုတဲ့
အမြင်နဲ့ ဆွေးနွေးတာဖြစ်ပါတယ်။

စကားကို ပြန်ပြီး အစသပ်ရမယ်ဆိုရင် Jim လာတာဟာလဲ သူ့ အကျိုးစီးပွားအတွက်ဖြစ်တယ်။ မြောက်ကိုရီးယား ကိစ္စကို တဖက်လှည့်နဲ့ မြန်မာ စစ်တပ်ကိုသုံးပြီးထောက်လှမ်းရေးအချက်အလက်တွေ လာယူတာပဲ ဖြစ်တယ်။ တဖက်က ယက်တော ကို ပြန်ခေါ်သွားနိုင်တယ်ဆိုတဲ့ သံတမန်ရေးအောင်မြင်မှုကိုအကြောင်းပြတာလဲဖြစ်တယ်။ ဒါဟာလဲ stereotype ပါပဲ
impress ဖြစ်လောက်စရာမရှိပါဘူး ။ ဇရက်တောင်ပံကျိုး က စောင့်နေတုန်း ကြောင်ခံတွင်းပျက်က ရောက်လာတာပါပဲ ။
အကျဉ်းချုပ် အချက်အလက်အနည်းငယ်ကိုဆွေးနွေးပါမယ်။ မိတ်ဆွေများ လည်း မပျင်းအောင် ကျနော်လဲ လက်မညောင်းအောင်ပေါ့။

စကားကိုဆက်ရမယ်ဆိုရင် ဒေသဆိုင်ရာ ပူးပေါင်းလုပ်ဆောင်မှုတွေအစပျိုးဖို့ အတွက်
လာတဲ့ သံခင်းတမန်ခင်းလဲဖြစ်တယ်။ ၂၀၁၀ ရွေးကောက်ပွဲ ကို မြန်မာပြည်သူလူထုကြီးကလွဲလို့  တကမ္ဘာလုံးက ကိုယ်ကျိုးစီးပွားကိုပဲကြည့်တဲ့ နိုင်ငံတိုင်းက အဆင်ပြေစေချင်ပါတယ်။ ဖြစ်မြောက်စေချင်ပါတယ်။ နအဖ စစ်အာဏာရှင် ထာဝရ မြန်မာနိုင်ငံမှာ တည်ရှိ အနိုင်ကျင့်နေတာသူတို့ အတွက်ပြသနာမဟုတ်ပါဘူး ၊အဲဒီပြသနာက ကျနော်တို့ မြန်မာပြည်သူပြည်သားတွေအတွက်သာ ဖြစ်ပါတယ်။ သူတို့ အတွက်ကတော့ ဘာဖြစ်ဖြစ် ဒီမိုကရေစီမျက်နှာဖုံးစွပ်ထားတဲ့ အသင်းအဖွဲ့  ဆိုရင် နောက်မှာ မာဖီးယား ပဲ ရှိနေရှိနေ ၊
သူတို့  အနေနဲ့အသိအမှတ်ပြုဆက်ဆံ အမြတ်ထုတ်မှာဖြစ်ပါတယ်။ တောင်အမေရိကား နိုင်ငံတစ်နိုင်ငံမှာ အစိုးရကို ပြန်ဆန့် ကျင်တဲ့သူပုန်တွေကို အမေရိကန်က အထူးတပ်ဖွဲ့ တွေပို့ ပေးပြီး ကူခဲ့ဖူးပါတယ်။

ရွာလုံးကျွတ်ကိုလည်း မီးရှို့ သတ်ခဲ့တာတွေရှိပါတယ်။ အမေရိကန်ဆိုတာဟာ တကယ်တော့ သူတို့ ဟာသူတို့ လူ့ အခွင့်အရေးအလံထူပြီး ကမ္ဘာပတ်ပြီးရမ်းနေတဲ့  လူယဉ်ကျေး ၀တ်စုံထဲက မာဖီးယားနိုင်ငံပဲဖြစ်ပါတယ်။

ဒီတော့ သူတို့ အမေရိကန်ဟာ တရုတ်တွေလိုပဲ သူတို့ တိုင်းပြည်အတွက် ကမ္ဘာ့မြေပုံပေါ်က တက္ကဆက် အရွယ်အစားလောက် မြန်မာပြည်လေးမှာဆင်းရဲ မွဲတေ စုတ်ပြတ်နေတာတွေ ၊ လူထုခေါင်းဆောင်ဒေါ်အောင်ဆန်းစုကြည်နဲ့တကွ အားလုံးသောယုံကြည်ချက်ကြောင့်အကျဉ်းကျခံနေရသူတွေ
အဲသဟာတွေကို တကယ်တန်း သူတို့ရဲ့ algorithm မှာ ထည့်တွက်ထားတာမဟုတ်ဘူး ဒီတော့ သူ့ အလုပ်သူလာလုပ်ပြီး သူ့ အကျိုးစီးပွားအတွက် အပြန်အလှန်အာမခံချက်တွေပေးဖို့ လာတာယူဖို့ လာတာပဲဖြစ်ပါတယ်။

ပန်းတိုင်မပျောက်ရေး

ကျနော်တို့ မြန်မာလူမျိုးများလဲ မျှော်ရပေါင်းများလို့  လည်ပင်းညောင်ရေအိုးတွေဖြစ်နေကြပါပြီ။ မမျှော်ပါနဲ့ ၊ အမေရိကန်လာသွားပြီး သူ့ လူ သူခေါ်ထုတ်သွားလို့ လဲ ဒေါသမဖြစ်ပါနဲ့ ။ သူ့ ကိစ္စသူလုပ်တာပါ ။ ကျနော်တို့ ကိစ္စကတော့ စစ်အာဏာရှင် စနစ်ကြီး သက်ဆုိးရှည်မယ့်ကိစ္စမှန်သမျှ ကို ဆန့် ကျင်နိုင်တဲ့ နည်းနဲ့ ဆန့် ကျင်နိုင်သလောက်ဆန့် ကျင်သွားကြဖို့ပါပဲ။

၂၀၁၀ မဖြစ်ဘူး မပြောနိုင်သလို ဖြစ်မယ်လဲ တထစ်ချမပြောနိုင်ပါဘူး။ ခုလောလောဆယ်မှာ မြန်မာ့မြေပုံကို မြင်ယောင်ကြည့်ပါ မြောက်ပိုင်းအဖွဲ့ တွေ နဲ့ စစ်အာဏာရှင်အစိုးရကြားမှာတင်းမာနေပါတယ်။ အဲဒီတင်းမာမှုကို နအဖ ဟာ ယာယီ အနေနဲ့ပြန်လျှော့ဖို့ ကြိုးစားမှာပါ ။ ရဟန်းသံဃာတွေဟာ ခုဆိုရင် ဒေါ်အောင်ဆန်းစုကြည် အဘ ဦးတင်ဦးတို့ နဲ့မခြား သူတို့ သီတင်းသုံးတဲ့ကျောင်း သင်္ခန်းတွေမှာ အနှစ်သာရအရ အကျယ်ချုပ် ကျနေကြတာဖြစ်ပါတယ်။ အကျယ်ချုပ်ကျနေတဲ့  ရဟန်းသံဃာပေါင်း လေးသိန်းကျော်ရှိပါတယ်။ တပ်မတော်ကို စိတ်ပျက်ပြီး လတ်တလောအခြေအနေတွေ ဆုံးပါတော့လို့  ဆုတောင်းနေကြတဲ့  တပ်မတော် က အရာရှိအရာခံအကြပ်တပ်သားတွေဟာလည်း သိန်းနဲ့ချီရှိပါတယ်။
အလယ်တန်းကနေ တက္ကသိုလ်အထိ တက်နေတဲ့ ကျောင်းသားကျောင်းသူပေါင်း သန်းချီရှိပါတယ်။
နအဖ စစ်အာဏာရှင်ကို မကြောက်ချင်တော့တဲ့ အဲဒီ ဘ၀ဆိုးကြီးကို
ခါးသီးနေ တဲ့ပြည်သူလူထုတွေကလေးဆယ့်ကိုးသန်းခွဲလောက်ရှိပါတယ် ။ ကျန်တဲ့ နအဖ နဲ့ပတ်သက် ပြီး အဆင်ပြေနေတဲ့ သူတွေ ၊ နအဖ အမာခံတွေက လွဲလို့  တကယ်တန်း က အားလုံးသော အသက်ရှင်ရပ်တည်နေသူအပေါင်းက စစ်အာဏာရှင်စနစ်ဆိုးကြီးကို မလိုချင်တော့ပါဘူး။

ထို့ အတူ အမျိုးသားဒီမိုကရေစီအဖွဲ့ ချုပ်ဟာ လည်း ရှိနေသေးသလို ၊ အမျိုးသားခေါင်းဆောင်ဒေါ်အောင်ဆန်းစုကြည်နဲ့ တကွ ထောင်ထဲ မှာ ထည့်ထားခံရတဲ့ နိုင်ငံရေးအကျဉ်းသားတွေရှိနေပါသေးတယ်။ မူလတန်းအဆင့် ဓါတုဗေဒ စကားနဲ့ပြောရမယ်ဆိုရင် ကျနော်တို့ မှာ အောက်ဆီဂျင်တွေလဲရှိနေတယ် ဟိုက်ဒရိုဂျင်တွေလဲရှိနေပါတယ်။

မှန်ကန်အချိုးညီ တဲ့ ပေါင်းစပ်ချက်နဲ့သာ ပေါင်းစပ်လိုက်ရင် အင်မတန်ကြီးမားတဲ့  မိုးသက်မုန်တိုင်းနဲ့ပင်လယ်ကြီးတွေ နေ့ ချင်းညချင်းဖြစ်လာပြီး အဲဒီကတဆင့် ကြီးမားတဲ့  ဆူနားမိလှိုင်းလုံးကြီးတွေနဲ့စစ်အာဏာရှင်စနစ်ကို ဖြိုဖျက် ရှင်းလင်းပစ်နိုင်မှာပါ။

အတိုက်အခံဆိုသည်

နောက်ဆုံးတခု ဆွေးနွေးချင်တာကတော့ ထိုင်းနယ်စပ်နဲ့တကွ နိုင်ငံတကာရောက်ရှိနေကြတဲ့  ဆရာသမားများက ကိုယ့်ကိုယ်ကိုယ် အတိုက်အခံ အတိုက်အခံဆိုတဲ့အသုံးအနှုန်းတွေ ကို လှိုင်လှိုင်သုံးနေသလို သတင်း ဌာနတွေ ကလည်း အတိုက်အခံဆိုတဲ့စကားကိုသုံးနေတာတွေ့ ရပါတယ်။
ဘယ်ပုံဘယ်နည်းနဲ့အတိုက်အခံလို့  အသိအမှတ်ပြု ပြီးသုံးလာကြသလဲဆိုတာတော့ ကာယကံရှင်တွေပဲသိမှာဖြစ်ပါတယ်။ NLD အတွက်လဲ အတိုက်အခံမရှိသေးပါဘူး ။ ပြည်ပ ကလူတွေအနေနဲ့လဲ အတိုက်အခံဆိုတာတကယ်တော့မဟုတ်လှပါဘူး။ နအဖဟာလည်း လွှတ်တော်မှာ တရားဝင် လူထုရွေးကောက်တင်မြှောက်မှုနဲ့ အာဏာရလာတဲ့
တရားဝင်အဖွဲ့ အစည်းလဲ မဟုတ်ပါဘူး ။ အတိုက်အခံဆိုတာ လွှတ်တော်တွင်း ဟိုဘက်ခြမ်းဒီဖက်ခြမ်း ထိုင်ပြီး မူ တခု ပေါ်လစီတစ်ခု အပေါ်မှာ နိုင်ငံတော်ဆိုင်ရာအရေးအရာတစ်ခုပေါ်မှာ ကိုယ် ယုံကြည်ရာ ကိုယ် ကိုင်စွဲရာ ပေါ်လစီ အတွက် ရပ်တည် ဆွေးနွေးပြီး ကိုယ့် မူ ကိုယ့်ပေါ်လစီ ကို အာမခံသူတွေကို ခေါ်ပါတယ်။
အတိုက်အခံရော အာဏာရ ပါတီရောဟာ တနည်းတဖုံ လူထု ကို သူ့  အဓိပ္ပါယ်နဲ့သူကိုယ်စားပြုပါတယ်။
နှစ်နှစ်ဆယ်ဆိုတဲ့ ကာလအတိုင်းအတာကလေးက ပကတိအဖြစ်မှန်တွေကို မှုန်ဝါးသွားလောက်အောင် မစွမ်းနိုင်ပါဘူး ။ Illusions တွေကို မျက်စိမှိတ်ပြီး ဒါဟာတော့ reality ပဲလို့  လူထုကိုဝိုင်းညာဖို့ မကြိုးစားသင့်ပါဘူး။ညာနေကြတာကိုလဲ လူထုက စိတ်ပျက်လက်ပျက် နဲ့ ရွံ ရှာတဲ့မျက်လုံးတွေနဲ့စောင့်ကြည့်နေတာပါ။

တကယ့်အနေအထားမှာက ကျနော်တို့ တိုင်းပြည်ရဲ့အရေးအရာမှာ အတိုက်အခံဆိုတဲ့ ဝေါဟာရ ကို သုံးဖို့ ရာတော်တော်ဂွကျပါတယ်။
NLD ပါတီဟာ ပြည်သူလူထုကို ခုထိ ကိုယ်စားပြုနေတုန်းဖြစ်သလို နအဖဟာလည်း ခုအထိ ပြည်သူလူထုကို အဓမ္မ နိုင်ထက်စီးနင်းပြုလုပ်နေတဲ့အင်အားစုဖြစ်ပါတယ်။ ပြည်ပ နဲ့နယ်စပ်ကိုရောက်လာကြတဲ့ သူတွေဟာလည်း စစ်အာဏာရှင်ကို တနည်းတဖုံဆန့် ကျင်နေကြတဲ့ဆန့် ကျင်ရေးသမားတွေဖြစ်ပါတယ်။
တော်လှန်ရေးသမားလား အတိုက်အခံလား ကိုယ့်ကိုယ်ကိုယ် ဘာမှန်းမသိကြတော့တဲ့အခါ အတွေးအခေါ်ရှုပ်သွားတဲ့အခါ နအဖ ဆီက သနားသမှုနဲ့ပေးများပေးလာမလားဆိုတဲ့ ကုလားထိုင်ကိုမျှော်တော်မူတဲ့စိတ်ဓါတ်တွေဟာ အဲဒီက လဲ တနည်းအားဖြင့် ဖြစ်တည်လာပါတယ်။
ပြည်သူလူထုတရပ်လုံးအတွေးအခေါ်ရှင်းအောင် ပြောရမယ်ဆိုရင်ဖြင့် နအဖ စစ်အာဏာရှင်လား ၊ နအဖ စစ်အာဏာရှင်ရဲ့ အကိုင်းအခက်လား ၊ နအဖ စစ်အာဏာရှင်နဲ့ အခြေအနေတစ်ခု ကို အတူ ဖန်တီးယူနေကြသူတွေလား ဆိုတာနဲ့ ဒီဖက်က ဆရာများလဲ ကိုယ့်ကိုယ်ကိုယ် တော်လှန်ရေးသမားလား၊
နိုင်ငံရေး အမှတ်တံဆိပ်တပ်ထားတဲ့ ကော်ပိုရေးရှင်းပိုင်ရှင်တွေလား ၊ နအဖ စစ်အာဏာရှင်နဲ့ ဝေစားမျှစားအတွက် သွားရေတမြားမြားကျ အမြီးနှုန့် တအီအီအသံပေး ခေါင်း ကလေးတွေ ကို တိုးဝှေ့ ပွတ်သပ်ပြီး ထိပ်ပုတ်ခေါင်းပုတ်ခံရေးအတွက် စွမ်းစွမ်းတမံကြိုးစားနေသူတွေလားဆိုတာကိုတော့ ပြန်ဆန်းစစ်ကြဖို့ နောက်မကျသေးဘူးဆိုတာ
အသိပေးရင်း ကျနော့်ဆွေးနွေးချက်ကို ဒီမျှနဲ့ဆယ်မိနစ်စာဆွေးနွေးပြီး နိဂုန်းချုပ်လိုက်ပါတယ်။ပြောရမယ်
ပြင်ရမယ် တွက်ချက်ကြမယ်ဆိုရင်တော့ ကုန်နိုင်ဖွယ်မရှိသလို ဆက်လက်လဲလုပ်ဆောင်သွားကြရမှာဖြစ်ပါတယ်။

တုတ်ကြီး တာဝတိံသာ

မှတ်ချက်။ ။ အသည်းဘ၀င်က ဆဲချင်လှသော်လည်း မိတ်ဆွေများ၏ စိတ်အနေအထား ညိုးလျော်မည်စိုးသဖြင့် မိုးပေါ်ကိုသာ မော့ကြည့်ရင်း သီချင်းတပုဒ်ဖြင့်နားရင်းအုပ်ချင်စိတ်အားဖျောက်ထားကာ ထောက်ထားညှာတာမှုအနည်းငယ်ဖြင့် ယခုဆောင်းပါးအား ရေးသားလိုက်ပါသည်။